ସମ୍ବଲପୁର – ରେଙ୍ଗାଲି ନଦୀବନ୍ଧ ଯୋଜନା ନିମନ୍ତେ ବିସ୍ଥାପିତ ପରିବାର ମାନଙ୍କୁ ୧୯୮୧ ମସିହାରୁ ସମ୍ବଲପୁର ଜିଲା ସର୍ବେଜାଲ ଗ୍ରାମ ଠାରେ ଥଇଥାନ କରାଯାଇଥିଲା । ସେ ସମୟରେ ପ୍ରତି ପରିବାରକୁ ବିଭିନ୍ନ ଯୋଜନା ଅନୁଯାୟୀ ୯.୭୫ ଏକର ଜମି ପ୍ରଦାନ କରାଯାଇଥିଲା । ତେବେ ଉକ୍ତ ଜମି ଗୁଡିକ ଜଙ୍ଗଲ ଜମି ହୋଇଥିବାରୁ ପରବର୍ତ୍ତୀ ସମୟରେ ସେଗୁଡିକର କିସମ ପରିବର୍ତ୍ତନ କରାଯିବ ବୋଲି ପ୍ରତିଶୃତି ଦିଆଯାଇଥିଲା ।
କିନ୍ତୁ ଜମି ଗୁଡିକ ସଂରକ୍ଷିତ ଜଙ୍ଗଲ ଜମି ଅଧିନରେ ଯାଇଥିବାରୁ ସରକାରଙ୍କ ପ୍ରତିଶୃତି କାର୍ଯ୍ୟକାରୀ ହୋଇ ପାରି ନ ଥିଲା । ୨୦୧୭ ମସିହାରେ ତକ୍ରାଳୀନ ଉପ ଜିଲାପାଳ ଓ ଅନ୍ୟ ଅଧିକାରୀ ମାନଙ୍କ ଉପସ୍ଥିତିର କେ ଫର୍ମ ପଟ୍ଟା ବଦଳରେ ଯାହାର ଯେତିକି ପରିମାଣର ଜମି ଥିଲା ସେତିକି ଦେବା ପାଇଁ ସ୍ଥିରିକୃତ ହୋଇଥିଲା । କିନ୍ତୁ ପଞ୍ଚାୟତ କାର୍ଯ୍ୟାଳୟରେ ଥିବା ତାଲିକାନୁଯାୟୀ, ସମସ୍ତଙ୍କୁ ଜମି ପରିମାଣ ବଦଳି ଯାଇଛି କିମ୍ବା କମି ଯାଇଛି । ଏଣୁ ପଞ୍ଚାୟତ କାର୍ଯ୍ୟାଳୟକୁ ଆସିଥିବା ତାଲିକାକୁ ସଂଶୋଧନ କରି କେ ଫର୍ମ ହିସାବରେ ଜମି ପ୍ରଦାନ କରିବାକୁ ସର୍ବେଜାଲ ଗ୍ରାମବାସୀ ଦାବି କରିଛନ୍ତି । ଏହି ମର୍ମରେ ସମ୍ବଲପୁର ଜିଲାପାଳଙ୍କୁ ପ୍ରଦତ୍ତ ଦାବିପତ୍ରରେ ମୋତିରାମ ନାଏକ, ଏ. ଖଡିରତ୍ନ, ଅକାଲୁ ବେରିହା ଙ୍କ ସମେତ ଅନେକ ପିଡିତ ଙ୍କ ଦସ୍ତଖତ ରହିଛି ।
Comments are closed.