ପିପିଲି: ଦୟାନଦୀର ବନ୍ୟାଜଳରେ ପ୍ରବାହିତ ହୋଇଥିବା କଣ୍ଠପୁର, ମିର୍ଜାପୁର, ଭୋଇଗୁଣ, ପୋଡାଗୁଣ, ଭାରତୀପୁର ଆଦି ଅଞ୍ଚଳରେ ବନ୍ୟାଜଳ ଘେରରେ ରହିଥିବା ବିପନ୍ନଙ୍କୁ ‘ଡେଲାଙ୍ଗ ପିପିଲି ଜନକଲ୍ୟାଣ ମଞ୍ଚ’ ପକ୍ଷରୁ ଶୁଖିଲା ଖାଦ୍ୟ ବଣ୍ଟନ କରାଯାଇଛି। ମଞ୍ଚର ଆବାହକ ସମାଜସେବୀ ରାଧାମୋହନ, ମୁଖ୍ୟ ଉପଦେଷ୍ଟା ଜନ୍ମେଜୟ ଜେନାଙ୍କ ନେତୃତ୍ୱରେ ବିପନ୍ନଙ୍କୁ ଶୁଖିଲା ଖାଦ୍ୟ ଓ ଗୋଖାଦ୍ୟ ବଣ୍ଟନ କରାଯାଇଛି। ମଞ୍ଚର ସଦସ୍ୟ ସୁକାନ୍ତ ସ୍ୱାଇଁ, ସଦାଶିବ ପରିଡ଼ା, ସନ୍ତୋଷ ସେଠୀ, ଧନେଶ୍ୱର ପରିଡ଼ା, ଚଣ୍ଡେଶ୍ୱର ଦାଶ, ସାହିଦ ରାଜା, ରାଜେନ୍ଦ୍ର ସ୍ୱାଇଁ, ଦୁଷ୍ମନ୍ତ ପ୍ରଧାନ ପ୍ରମୁଖ ଏଥିରେ ସହଯୋଗ କରିଥିଲେ।
