ଗୁରୁଡିଝାଟିଆ : ବନ୍ୟାର ୩ଦିନ ପରେ ମହାନଦୀରେ ଜଳସ୍ତର କମିଛି। ହେଲେ ଲୋକଙ୍କ ଦୁର୍ଦ୍ଦଶା ବୃଦ୍ଧି ପାଇବାରେ ଲାଗିଛି। ବିଦ୍ୟାଧରପୁର ଗାଁରେ ପ୍ରତ୍ୟେକଙ୍କ ବାଡିରେ ବନ୍ୟାଜଳ ଜମି ରହିଥିବାରୁ ନିସ୍କାସନର କୌଣସି ବାଟ ନଥିବାରୁ ଜଟିଳ ପରିସ୍ଥିତି ସୃଷ୍ଟି ହୋଇଛି। ପୁରୁଣା କଟକ-ସମ୍ବଲପୁର ରାସ୍ତାରେ ଏବେ ବି ଯାତାୟାତ ହୋଇପାରୁନାହିଁ। ନିଧିପୁର ଗଡାରେ ସାଢେ ୩ଫୁଟ ଉଚ୍ଚର ବନ୍ୟାଜଳ ପ୍ରବାହିତ ହେଉଛି। କାପ୍ତାବରାଇ ନିକଟସ୍ଥ ପନ୍ଥେଇ ଠାକୁରାଣୀଙ୍କ ନିକଟରେ ରାସ୍ତା ଉପରେ ଅଢେଇଫୁଟର ବନ୍ୟାଜଳ ପ୍ରବାହିତ ହେଉଛି। ତେଣୁ ନୂଆପାଟଣା ଠାରୁ ପୁରୁରା କଟକ-ସମ୍ବଲପୁର ରାସ୍ତାରେ ଆଠଗଡ ଯିବା ଅସମ୍ଭବ ହୋଇପଡିଛି। ସେହିପରି କଖଡିରୁ ବ୍ରାହ୍ମଣବସ୍ତ ଦେଇ ୫୫ ନଂ ଜାତୀୟ ରାଜପଥକୁ ସଂଯୋଗ କରୁଥିବା ରାସ୍ତା ଉପରେ ୩ଫୁଟର ବନ୍ୟାଜଳ ପାଟୁଳିଗାଡିଆ ନିକଟରେ ପ୍ରବାହିତ ହେଉଛି। ମହାନଦୀର ବନ୍ୟାଜଳ ଯଦିଓ ହ୍ରାସ ପାଇଛି ସ୍ୱଭ।ବିକ ଅବସ୍ଥାକୁ ଆସିବାକୁ ହେଲେ ଅନ୍ୟୁନ ଫୁଟ ଜଳସ୍ତର ହ୍ରାସ ପାଇଲେ ପୁରୁଣା କଟକ-ସମ୍ବଲପୁର ରାସ୍ତାର ବନ୍ୟାଜଳ ହ୍ରାସ ପାଇପାରିବ। ସରକାରଙ୍କ ପକ୍ଷରୁ ବିଧିବଦ୍ଧ ଭାବରେ ବନ୍ୟାକ୍ଷତିଗ୍ରସ୍ତ ଅଞ୍ଚଳରେ ରିଲିଫ ପହଞ୍ଚି ପାରିନାହିଁ ଏବଂ ଗୋଖାଦ୍ୟ ପହଞ୍ଚି ପାରିନଥିବାରୁ ୫ଦିନ ଧରି ଗୃହପାଳିତ ପ୍ରାଣୀମାନେ ଭୋକ ଉପାସରେ ରହିଛନ୍ତି। ସରକାରଙ୍କ ତରଫରୁ କେବେ ସରକାରୀ ସହାୟତା ମିଳିବ ତାହା ଜନସାଧାରଣ ଚାହିଁ ବସିଛନ୍ତି। ଯଦିଓ ସରକାର ବିପନ୍ନ ଅଞ୍ଚଳରେ ସରକାର ରନ୍ଧାଖାଦ୍ୟ ପ୍ରଦାନ କରିଛନ୍ତି ଓ ଦଳ ତରଫରୁ ବିଭିନ୍ନ ପଞ୍ଚାୟତରେ ଶୁଖିଲାଖାଦ୍ୟ ବଣ୍ଟନ କରିଛନ୍ତି। ହେଲେ ବିଧିବଦ୍ଧ ଭାବରେ କେବେ ରିଲିଫ ପ୍ରଦାନ କରିବେ ତାହାକୁ ଜନସାଧାରଣ ଚାହିଁ ବସିଛନ୍ତି।
Comments are closed.