ଆବଶ୍ୟକ ସାମଗ୍ରୀ
ଚୂଡ଼ା – ୨କପ
କଟା ପିଆଜ – ୧ଟି
କଞ୍ଚା ଲଙ୍କା – ୩ଟି
ବେସନ – ୩ ଚାମଚ
ସିଝା ଆଳୁ – ୨ଟି
ଅଦା ବଟା – ୨ ଚାମଚ
ପେଷା ବାଦାମ – ୧ ଚାମଚ
ତେଲ – ଆବଶ୍ୟକ ପରିମାଣରେ
ଧନିଆ ପତ୍ର – ଆବଶ୍ୟକ ପରିମାଣରେ
ଲଙ୍କା ଗୁଣ୍ଡ – ଆବଶ୍ୟକ ପରିମାଣରେ
ଲୁଣ – ଆବଶ୍ୟକ ପରିମାଣରେ
ଆମଚୁର ପାଉଡ଼ର – ଅଳ୍ପ
ଜୁଆଣି – ଅଳ୍ପ
ପ୍ରସ୍ତୁତି ପ୍ରଣାଳୀ – ପ୍ରଥମେ ଚୂଡ଼ାକୁ ଧୋଇ ଛାଣିକି ଏକ ପାତ୍ରରେ ରଖନ୍ତୁ । ଏବେ ଏଥିରେ କଟା ପିଆଜ, ସିଝା ଆଳୁ, ବେସନ, ବାଦାମ ଗୁଣ୍ଡ, କଞ୍ଚା ଲଙ୍କା, ଜୁଆଣି, ଆମଚୁର ଗୁଣ୍ଡ,ଲଙ୍କା ଗୁଣ୍ଡ, ଲୁଣ, ଅଦା ବଟା, ଧନିଆ ପତ୍ରକୁ ପକାଇ ଭଲ ଭାବେ ଚକଟି ଦିଅନ୍ତୁ। ଚକଟିବା ପରେ ଏହାକୁ ହାତରେ ଗୋଲ୍ ଗୋଲ୍ ବଲ ଆକୃତିର କରି ରଖନ୍ତୁ। ଏବେ ଗ୍ୟାସରେ କଡ଼େଇ ବସାଇ ତେଲ ଗରମ କରନ୍ତୁ। ତେଲ ଗରମ ହେବା ପରେ ଗୋଲ ବଲ ଆକୃତିର କରିଥିବା ଚୂଡ଼ାକୁ ଛାଣନ୍ତୁ।
ଭଲ ଭାବେ ଛାଣିବା ପରେ ଏକ ପାତ୍ରକୁ କାଢି ଗରମାଗରମ ଖାଆନ୍ତୁ ଓ ମଜା ନିଅନ୍ତୁ।
