ଫୁଲବାଣୀ :କନ୍ଧମାଳ ଜିଲ୍ଲା ଫିରିଙ୍ଗିଆ ବ୍ଲକ ଛକ ନିକଟ ବର ଗଛ ବୁଲାଣି ଠାରେ ଭାରସାମ୍ୟ ହରାଇ ଏକ ମକା ବୋଝେଇ ଟ୍ରକ ଓଲଟି ପଡିଛି l ଦୁର୍ଘଟଣା ରେ ଟ୍ରକ ଟି ଓଲଟି ପଡ଼ିଥିବା ବେଳେ ଡ୍ରାଇଭର ଅଳ୍ପକେ ମୃତ୍ୟୁ ମୁଖରୁ ବର୍ତ୍ତି ଯାଇଛନ୍ତି
ସୂଚନା ଅନୁସାରେ ଓଡି ୦୪ଡବ୍ଲୁ ୭୦୭୫ ନମ୍ବର ଗାଡିଟି ଉମରକୋଟ ରୁ ମକା ବୋଝେଇ କରିବା ପରେ ଭୁବନେଶ୍ୱର ଫେରୁଥିବା ସମୟରେ ଫିରିଙ୍ଗିଆ ବ୍ଲକ ନିକଟ ବର ଗଛ ବୁଲାଣି ରାସ୍ତାରେ ସନ୍ଧ୍ୟା ସମୟରେ ଭାରସାମ୍ୟ ହରାଇ ବାମ ପଟ ରାସ୍ତା କଡରେ ଓଲଟି ପଡିଥିଲା l ଡ୍ରାଇଭର ଗାଡି ଭିତରେ ଫସି ରହିଥିବା ବେଳେ ଘଟଣା ସ୍ଥଳ ରେ ଫିରିଙ୍ଗିଆ ପୋଲିସ ଓ ଅଗ୍ନିଶମ ବାହିନୀ ପହଞ୍ଚି ଡ୍ରାଇଭର କୁ ଗାଡିର କାଚ ଭାଙ୍ଗି ଉଦ୍ଧାର କରିଥିଲେ l
ଏଥିରେ ଡ୍ରାଇଭରଙ୍କ ର କୌଣସି କ୍ଷତି ହୋଇନାହିଁ l ଏହି ବରଗଛ ବୁଲାଣି ରାସ୍ତା ଏବଂ ଫିରିଙ୍ଗିଆ ବ୍ଲକ ଛକ ଅଞ୍ଚଳ ପ୍ରାୟତଃ ଜନ ଗହଳି ରହୁଥିବା ବେଳେ ଦୁର୍ଘଟଣା ସମୟରେ ଲୋକ ସେହି ରାସ୍ତା ନିକଟରେ ଥିଲେ ମଧ୍ୟ କାହାର କିଛି କ୍ଷତି ହୋଇନାହିଁ l
