ଜେନେଭା: ଜାତିସଂଘ ସାଧାରଣ ପରିଷଦ ସଭାପତିଙ୍କ କାର୍ଯ୍ୟାଳୟରେ ସ୍ଥାନ ପାଇବ ବିଜୟ ଲକ୍ଷ୍ମୀ ପଣ୍ଡିତଙ୍କ ଫଟୋଚିତ୍ର। ସିକ୍କିମ୍ ଡେମୋକ୍ରାଟିକ୍ ଫ୍ରଣ୍ଟର ସାଂସଦ ପ୍ରେମ ଦାସ ରାଇଙ୍କ ସହିତ ସାକ୍ଷାତକାର ଅବସରରେ ଜାତିସଂଘ ସାଧାରଣ ପରିଷଦ ସଭାପତି ମାରିଆ ଫର୍ଣ୍ଣାଣ୍ଡା ଏସ୍ପିନୋସା ଏହି ସୂଚନା ଦେଇଛନ୍ତି। ଭାରତର ପ୍ରଥମ ପ୍ରଧାନମନ୍ତ୍ରୀ ଜୱାହରଲାଲ ନେହେରୁଙ୍କ ଭଗ୍ନୀ ବିଜୟ ଲକ୍ଷ୍ମୀ ପଣ୍ଡିତ ୧୯୫୩ରେ ପ୍ରଥମ ମହିଳା ଭାବେ ଜାତିସଂଘର ଏହି ମର୍ଯ୍ୟାଦାଜନକ ପଦ ଅଳଂକୃତ କରିଥିଲେ। ମାରିଆଙ୍କ କହିବା ଅନୁଯାୟୀ ସେ ବିଜୟ ଲକ୍ଷ୍ମୀ ପଣ୍ଡିତଙ୍କ ଦ୍ୱାରା ବିଶେଷ ଭାବେ ପ୍ରଭାବିତ ହୋଇଛନ୍ତି। ଭାରତର ଗଣତନ୍ତ୍ରକୁ ସେ ସମ୍ମାନ କରନ୍ତି। କେବଳ ସେତିକି ନୁହେଁ ପରିଷଦ କାର୍ଯ୍ୟାଳୟରେ ମହାତ୍ମା ଗାନ୍ଧିଙ୍କ ଲିଖିତ ଏକ ପୁ୍ସ୍ତକ ରହିଥିବା ଦେଖାଯାଇଛି। ମାରିଆ ଚତୁର୍ଥ ମହିଳା ଭାବେ ଏହି ପଦରେ ଅଧିଷ୍ଠିତ ହୋଇଛନ୍ତି।
ବିଜୟ ଲକ୍ଷ୍ମୀ ପଣ୍ଡିତଙ୍କ ପରେ ଜାତିସଂଘ ସାଧାରଣ ପରିଷଦ ସଭାପତି ପଦରେ ଜଣେ ମହିଳା ଅଧିଷ୍ଠିତ ହେବା ପାଇଁ ୧୬ ବର୍ଷ ଅପେକ୍ଷା କରିବାକୁ ପଡ଼ିଥିଲା। ୧୯୬୯ରେ ଏହି ପଦରେ ଦ୍ୱିତୀୟ ମହିଳା ଭାବେ ଲିବେରିଆର ଆଞ୍ଜି ଏଲିଜାବେଥ୍ ବ୍ରୁକ୍ସ ଦାୟିତ୍ୱ ଗ୍ରହଣ କରିଥିଲେ। ତା ପରେ ପୁଣି ୩୭ ବର୍ଷ ଅପେକ୍ଷା କରିବାକୁ ପଡ଼ିଥିଲା। ୨୦୦୬ରେ ବାହାରିନ୍ର ସେଖ୍ ହାୟା ରଶିଦ୍ ଅଲ ଖଲିଫା ସଭାପତି ଭାବେ ନିଯୁକ୍ତ ହୋଇଥିଲେ। ୧୨ ବର୍ଷ ପରେ ୨୦୧୮ରେ ପୁଣି ଥରେ ଜଣେ ମହିଳାଙ୍କୁ ଏହି ପଦଭାର ମିଳିଛି।
ଜାତିସଂଘ ସାଧାରଣ ପରିଷଦ ସଭାପତିଙ୍କ କାର୍ଯ୍ୟାଳୟରେ ସ୍ଥାନ ପାଇବ ବିଜୟ ଲକ୍ଷ୍ମୀ ପଣ୍ଡିତଙ୍କ ଫଟୋଚିତ୍ର
Popular Categories
Previous article
Next article