ମୁଖିଗୁଡ଼ା- ଗତ କିଛି ଦିନି ହେବ ମୁଖିଗୁଡ଼ା ଅଞ୍ଚଳରେ ଚୋରି ବୃଦ୍ଧି ପାଇବାରେ ଲାଗିଥିଲା । ଏଥିପାଇଁ ଗାଁର ଯୁବକମାନେ ପାଳି କରି ରାତିରେ ପହରା ଦେଉଥିଲେ । ପହରା ଦେବା ସମୟରେ ଜଣେ ନିଶାସକ୍ତ ବ୍ୟକ୍ତି ଶଶୁର ଘରକୁ ଚାଲିଯାଇଥିଲେ । ଠିକ୍ ସେ କିଛି ଉତ୍ତର ଦେଇ ନପାରିବାରୁ ଚୋର ସନ୍ଦେହରେ ପହରା ଦେଉଥିବା ଯୁବକମାନେ ତାଙ୍କୁ ନିର୍ଧୁମ ଛେଚିଥିବା ଅଭିଯୋଗ ହୋଇଛି ।
ଭବାନୀପାଟଣା ଅଞ୍ଚଳର ଏହି ବ୍ୟକ୍ତି ନିଶାସକ୍ତ ଅବସ୍ଥାରେ ଜୟପାଟଣା ଥାନା ଅନ୍ତର୍ଗତ ବାଣ୍ଡିଗାଁ ଗ୍ରାମପଞ୍ଚାୟତର ଘୁରଲୁଗୁଡା ଗାଁରେ ଥିବା ଶଶୁରଘରୁ ଖଇର ମାଲ ଗାଁକୁ ଭୁଲ୍ରେ ଚାଲିଯାଇଥିଲେ । ଗାଁରେ ପହରା ଦେଉଥିବା ଯୁବକଙ୍କ ହାବୁଡ଼ରେ ପଡିଥିଲେ । ସେ ଠିକ୍ରେ ଉତ୍ତର ଦେଇ ନପାରିବାରୁ ଲୋକମାନେ ତାଙ୍କୁ ଚୋର ସନ୍ଦେହରେ ବାନ୍ଧି ପକାଇଥିଲେ ।
ନିସ୍ତୁକ ମାଡ ଖାଇବା ପରେ ପୁଲିସ ଘଟଣାସ୍ଥଳରେ ପହଞ୍ଚି ତାଙ୍କୁ ଉଦ୍ଧାର କରିଥିଲା । ଏହି ଅଞ୍ଚଳରେ ଚୋରି ବୃଦ୍ଧି ପାଇଥିବାରୁ ଅଚିହ୍ନା ଲୋକ ସ୍ଥାନୀୟ ଲୋକଙ୍କ ସନ୍ଦେହର ଶିକାର ହେଉଛନ୍ତି । ଅଞ୍ଚଳରେ ପୁଲିସ ପାଟ୍ରୋଲିଂ ପାଇଁ ଦାବି କରାଯାଉଛି ।
Comments are closed.