ପାପଡାହାଣ୍ଡି : ନବରଙ୍ଗପୁରରୁ ପାପଡାହାଣ୍ଡି ଗ୍ରାମକୁ ସଂଯୋଗ କରୁଥିବା ୨୬ ନଂ ଜାତୀୟ ରାଜପଥ ଭାରତ ପେଟ୍ରୋଲ ପମ୍ପ ସାମନାରେ ଏକ ଅଟୋ ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ତ ହୋଇଛି । ଦୁର୍ଘଟଣାରେ ୬ ଜଣ ମହିଳାଙ୍କ ସମେତ ମୋଟ ୮ ଜଣ ଆହତ ହୋଇଛନ୍ତି। ସେଥିମଧ୍ୟରୁ ୨ ଜଣ ଗୁରୁତର ମହିଳାଙ୍କୁ କୋରାପୁଟ ସ୍ଥାନାନ୍ତର କରାଯାଇଛି । ଅନ୍ୟ ୬ଜଣଙ୍କୁ ନବରଙ୍ଗପୁର ଜିଲ୍ଲା ସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସା କରାଯାଉଛି ।
ଆଜି ପୂର୍ବାହ୍ନରେ ଡଙ୍ଗର ଭେଜା ଫାଣ୍ଡି ଅନ୍ତର୍ଗତ ବଣିଆ ଗ୍ରାମର କିଛି ଲୋକ ଏକ ଅଟୋ ଯୋଗେ ଉମାରକୋଟ ପାଖ ହୀରଲୀ ଗୁଡା ଗ୍ରାମକୁ ଏକ ବିବାହ କାର୍ଯ୍ୟକ୍ରମରେ ଯୋଗ ଦେବାକୁ ଯାଉଥିଲେ । ଏହି ସମୟରେ ୨୬ନଂ ରାଜପଥ ପାପଡାହାଣ୍ଡି ନିକଟସ୍ଥ ଭାରତ ପେଟ୍ରୋଲ ପମ୍ପ ସାମନାରେ ଉକ୍ତ ଅଟୋଟି ଭାରସାମ୍ୟ ହରାଇ ଓଲଟି ପଡିଥିଲା। ଦୁର୍ଘଟଣା ଘଟିଥିବା ଅଟୋକୁ ଦେଖି ପମ୍ପ କର୍ମଚାରୀ ଓ ସ୍ଥାନୀୟ ଲୋକ ୧୦୮ ଆମ୍ବୁଲାନ୍ସ ସାହାଯ୍ୟରେ ଆହତ ମାନଙ୍କୁ ଉଦ୍ଧାର କରି ନବରଙ୍ଗପୁର ଜିଲ୍ଲା ସ୍ୱାସ୍ଥ୍ୟ କେନ୍ଦ୍ରକୁ ଚିକିତ୍ସା ପାଇଁ ପଠାଇ ଥିଲେ ।
Comments are closed.