ବୌଦ୍ଧ: ବୌଦ୍ଧ ବ୍ଳକ ସ୍ତରୀୟ ଜୁନମାସର ଶିକ୍ଷା ସମୀକ୍ଷା ବୈଠକ ସ୍ଥାନୀୟ ସରକାରୀ ବାଳିକା ଉଚ୍ଚ ବିଦ୍ୟାଳୟ ସଭାଗୃହ ଠାରେ ଗୋଷ୍ଠୀ ଶିକ୍ଷା ଅଧିକାରୀ ଧ୍ରୁବଚରଣ ଘିବେଲାଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି । ଗ୍ରୀଷ୍ମ ଅବକାଶ ପରେ ବିଦ୍ୟାଳୟ ଖୋଲିବା ପ୍ରଥମ ଦିନ ଜୁନ ୧୭ରୁ ୨୦୨୨-୨୩ ବର୍ଷର ପ୍ରଥମ ଦିନ ଧରାଯିବ । ପ୍ରଥମ ଦିନରେ ପ୍ରଧାନଶିକ୍ଷକ ମାନେ ସମସ୍ତ ଶିକ୍ଷକ ଶିକ୍ଷୟିତ୍ରୀମାନଙ୍କୁ ନେଇ ଶିକ୍ଷଣ ପ୍ରସ୍ତୁତି ବୈଠକ କରିବେ । ପାଠ୍ୟ ଯୋଜନା, ବିଷୟ ଅନୁସାରେ ଓ ଶ୍ରେଣୀ ଅନୁସାରେ ସମୟ ସାରଣୀ ପ୍ରସ୍ତୁତ କରିବା ସହିତ ନିୟମିତ ଲେସନ ଡାଏରୀ ଲେଖିବେ ।
ପ୍ରତି ଶ୍ରେଣୀ ଗୃହରେ ସମୟ ସାରଣୀ ଲଗାଇବେ । ବିଦ୍ୟାଳୟ ପରିସ୍କାର ପରିଚ୍ଛନ୍ନ ରଖିବା ସହ ଅନାବଶ୍ୟକ ସାମଗ୍ରୀ ରଖିବେ ନାହିଁ । ପ୍ରଧାନ ଶିକ୍ଷକ ଶ୍ରେଣୀ ତଦାରଖ କରିବେ ଓ ପ୍ରତି ମାସର ଦ୍ୱିତୀୟ ଶିନବାର ଅଭିଭାବକ ବୈଠକ କରିବେ । ହରିପୁର, ଓଲଣ୍ଡା, ଝାରମୁଣ୍ଡା, ପଞ୍ଜନା, ନୂଆପାଲି, ରକ୍ସା, ସୁନାଝରୀ, ପାଟଳିପଡା, ଇାହାଯୋର, ହିଲୁଙ୍ଗ, ଗୋବିନ୍ଦପୁର, ଟୁଟୁସିଙ୍ଗା, କାଦପଦର, ପଦ୍ମନପୁର, ଦେଓବନ୍ଧ, କୁମରକାନି, ବୁଟୁପାଲି, କରଡାପଡା ଆଦି ବିଦ୍ୟାଳୟ ଗୁଡିକ ଘରୋଇ ବ୍ୟକ୍ତିଙ୍କ ନାମରେ ବିଦ୍ୟାଳୟ ଜମି ରହିଥିବାରୁ ଉକ୍ତ ଜମିକୁ ବିଦ୍ୟାଳୟଗୁଡିକ ନାମରେ କରିବାକୁ ପରାମର୍ଶ ଦେଇଥିଲେ । ସହ ଶିକ୍ଷା ଗୋଷ୍ଠି ଅଧିକାରୀ କମଳାକାନ୍ତ ଦଳବେହେରା, ବେସଲାଇନ ପ୍ରରିକ୍ଷଣ ଓ ମୋ ସ୍କୁଲ ଅଭିଯାନର ବ୍ୟୟ ବିବରଣୀ ଉପରେ ଆଲୋଚନା କରିଥିଲେ ।
ଅଖିଳ କୁମାର ପ୍ରଧାନ ମଧ୍ୟାହ୍ନ ଭୋଜନ ଚାଉଳ ବଣ୍ଟନ ଉପରେ ଆଲୋଚନା କରିଥିଲେ । ସିଆରସିସି ରାଜକୁମାର ପ୍ରଧାନ ମୋ ସ୍କୁଲ ଅଭିଯାନରେ ଯେଉଁ ପ୍ରୋଜେକ୍ଟ କାମ ସରିଛି ତାର ବିନିଯୋଗପତ୍ର ପ୍ରଦାନ କରିବା ଓ ନୂତନ ପ୍ରୋପଜାଲ ଅନ ଲାଇନ ମାଧ୍ୟମରେ କରିବାକୁ ପଡିବ ବୋଲି ସୂଚନା ଦେଇଥିଲେ । ସିଆରସିସି ଲବ କିଶୋର ପ୍ରଧାନ ଧନ୍ୟବାଦ ପ୍ରଦାନ ଦେଇଥିଲେ । ପ୍ରଧାନ ଶିକ୍ଷକ ରଞ୍ଜନ ଦଣ୍ଡସେନା, ବାସନ୍ତୀ ପାଢୀ, ସୁବାସିନୀ ତରିଆ, ସୌଦାମିନୀ ସେଠୀ, ଅକ୍ଷୟ କୁମାର ରଥ, ସୁରେଶ କୁାମର ଦାଶ, ଲଲିତ ଦେହୁରୀ, ସରୋଜ କୁମାର ସାହୁ, ଦାମୋଦର ବହିଦାର, ସୂର୍ଯ୍ୟମଣୀ ପଟ୍ଟନାୟକଙ୍କ ସମେତ ସମସ୍ତ ସିଆରସିସିମାନେ ଉପସ୍ଥିତ ଥିଲେ ।
