ଠାକୁରମୁଣ୍ଡା: ଶିମିଳିପାଳ ଅଭୟାରଣ୍ୟରେ ଅଭାବନୀୟ ଘଟଣା ଘଟିଛି । ଜଣେ ସୁରକ୍ଷାକର୍ମୀଙ୍କୁ ହାତୀ ଆକ୍ରମଣ କରିଥିବା ଜଣାପଡ଼ିଛି । ଚହଲାରେ ବାଘ ଗଣନା ବେଳେ ଜଣେ ବନ ସୁରକ୍ଷାକର୍ମୀଙ୍କୁ ହାତୀ ଆକ୍ରମଣ କରିବା ଫଳରେ ସେ ଗୁରୁତର ହୋଇଛନ୍ତି । ତାଙ୍କୁ ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି କରାଯାଇଛି ।
ସୂଚନା ଅନୁଯାୟୀ ଶିମିଳିପାଳ ଅଭୟାରଣ୍ୟର ଉତ୍ତର ଏବଂ ଦକ୍ଷିଣ ବନ୍ୟପ୍ରାଣୀ ବନଖଣ୍ଡରେ ଥିବା ୧୬ଟି ରେଞ୍ଜର ୧୭୩ଟି ସ୍ଥାନରେ ଚାଲିଛି ବାଘଗଣନା । ପ୍ରି ମୋନସୁନ ବାଘଗଣନା କାର୍ଯ୍ୟରେ ବନକର୍ମଚାରୀ ସାମିଲ ହଇ ବାଘ ଗଣନା କାର୍ଯ୍ୟ କରୁଛନ୍ତି । ଏହା ଗଣନାକାର୍ଯ୍ୟ ଆଠଦିନଧରି ଚାଲିବ । ଏହା ଗତ ୬ ତାରିଖରୁ ଆରମ୍ଭ ହଇଥିବା ବେଳେ ୧୩ ତାରିଖରେ ସମ୍ପୂର୍ଣ୍ଣ ହବାର ସ୍ଥିର ହେଇଛି । ଅନ୍ୟପଟେ ଦୁଇଦିନ ତଳେ ବାଘ ଗଣନା କାର୍ଯ୍ୟ କରୁଥିବା ସମୟରେ ଉତ୍ତର ଶିମିଳିପାଳର ଚହଲା ରେଞ୍ଜ ଅଞ୍ଚଳରେ ଦୁଇ ବନ ବିଭାଗ କର୍ମଚାରୀକୁ ଭାଲୁ ଆକ୍ରମଣରେ ଆହତ ହେଇଥିଲେ ।
ଗତକାଲି ପୁଣି ବାଘ ଗଣନା କାର୍ଯ୍ୟରେ ନିୟୋଜିତ ଥିବା ଫରେଷ୍ଟର ହାତୀ ଆକ୍ରମଣରେ ଶିକାର ହେଇଛନ୍ତି । ଫରେଷ୍ଟର ଜଙ୍ଗଲରେ ହିଁ ଗୁରୁତ୍ୱ ହେଇପଡିଛନ୍ତି । ଫରେଷ୍ଟର ଜଣକ ହେଉଛନ୍ତି ତରୁଣ କୁମାର ଦାସ । ଚହଲା ରେଞ୍ଜ ଅଞ୍ଚଳରେ ହାତୀ ଆକ୍ରମଣ କରିଥିଲା, ଯାହା ଫଳରେ ଅନେକ ସ୍ଥାନରେ ଆଘାତ ଲାଗିଛି । ଵିଶେଷ କରି ଗୁଡ଼ ଭାଙ୍ଗି ଗୁରୁତର ହେଇପଡିଛନ୍ତି । ବାଘ ଗଣନା ସମୟରେ ଶିମିଳିପାଳ ଅଭୟାରଣ୍ୟରେ ଏହି ଭଳି ଘଟଣା ଦ୍ୱିତୀୟ ଥର ପାଇଁ ଘଟିଛି । ଏନେଇ ବନ ବିଭାଗ କର୍ମଚାରୀ ଖବର ପାଇବାପରେ ଯଶିପୁର ଡାକ୍ତରଖାନାରେ ଗୁରୁତରଙ୍କୁ ଭର୍ତ୍ତି କରାଇଥିଲେ । ପରେ ତାଙ୍କ ଅବସ୍ଥା ଗୁରୁତର ହେବାରୁ କେନ୍ଦୁଝର ଡାକ୍ତରଖାନା ଓ ତାପରେ ଭୁବନେଶ୍ବର ଏମ୍ସସ ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଛି । ଏନେଇ ଆରସିସିଏଫ୍ ସୂଚନା ଦେଇଛନ୍ତି । ସମସ୍ତ ବନକର୍ମଚାରୀଙ୍କୁ ସତର୍କତା ରହି ଗଣନା କାର୍ଯ୍ୟ କରିବା ପାଇଁ ନିର୍ଦ୍ଦେଶ ଦେଇଛନ୍ତି ଶିମିଳିପାଳ କର୍ତ୍ତୃପକ୍ଷ ।
