ଗୁଡଭେଲା: ବିଦ୍ୟୁତ ବିଲ୍ ବକେୟା ରହିଯିବାରୁ ସରକାରୀ କାର୍ଯ୍ୟାଳୟର ବିଦ୍ୟତ୍ ସଂଯୋଗକୁ କାଟ୍ କରିଛି ଟାଟା କମ୍ପାନୀ । ବିଦ୍ୟୁତ୍ ସଂଯୋଗ ବିଚ୍ଛିନ୍ନ ହେବାରୁ ଏକ ସରକାରୀ କାର୍ଯ୍ୟାଳୟ ହୁକ (ବାଇପାସ୍) କରି ବିଦ୍ୟୁତ୍ ବ୍ୟବହାର କରୁଥିବା ଦେଖିବାକୁ ମିଳିଛି । ଯାହାକି ଗୁଡ଼ଭେଲା ବ୍ଳକରେ ଚର୍ଚ୍ଚାର ବିଷୟ ପାଲଟିଛି । ଗୁଡଭେଲା ବ୍ଳକ ଅନ୍ତର୍ଗତ ବଡଙ୍ଗୋମୁଣ୍ଡା ପଞ୍ଚାୟତ କାର୍ଯ୍ୟାଳୟର ବିଦ୍ୟୁତ ସଂଯୋଗକୁ ୬ ମାସ ହେବ କାଟ୍ କରିଛି ବିଦ୍ୟୁତ ବିଭାଗ । ଏହି ପଞ୍ଚାୟତର ବିଦ୍ୟୁତ୍ ବିଲ ପ୍ରାୟ ୮୫ ହଜାର ଟଙ୍କା ବକେୟା ରହିଛି ।
ସରପଞ୍ଚ ଓ ଇଓ ବିଦ୍ୟୁତ ବିଲ ଦେବାକୁ ଅମଙ୍ଗ ହେବାରୁ ବାଧ୍ୟ ହୋଇ ସଂଯୋଗକୁ ବିଚ୍ଛିନ୍ନ ଟାଟା କରିଛି ବୋଲି ସୂଚନା ମିଳିଛି । ବିଦ୍ୟୁତ କନେକ୍ସନ ବିଚ୍ଛିନ୍ନ ହେବା ଯୋଗୁ ଚୋରା ବିଦ୍ୟୁତ୍ରେ ପଞ୍ଚାୟତ କାର୍ଯ୍ୟଳୟ ଚାଲିଥିବା ଜଣାପଡ଼ିଛି । ଏନେଇ ପଞ୍ଚାୟତ କାର୍ଯ୍ୟ ନିର୍ବାହୀ ଅଧିକାରୀ ପଞ୍ଚାନନ ସାମଲଙ୍କୁ ପଚାରିବାରୁ ହୁକ୍(ବାଇପାସ୍) କରିଥିବା ସ୍ୱୀକାର କରିଥିବା ସହ ଏହି ବର୍ଷ ବିଲ୍ ପୈଠ କରାଯିବ ବୋଲି ଶ୍ରୀ ସାମଲ କହିଥିଲେ । ଏହାସହ ବିଦ୍ୟୁତ୍ ବିଭାଗ ଏସଡିପିଓ ବିଲ୍ ବକେୟା ବିଲ୍ ପୈଠ ନକରିଥିବାରୁ କଟା ଯାଇଛି ବୋଲି କହିଛନ୍ତି ।
Comments are closed.