ସମ୍ବଲପୁର: ସମ୍ବଲପୁରର ଯୁବ ସମାଜସେବୀ ତଥା ପୂର୍ବତନ ଉପ ନଗରପାଳ ସିଦ୍ଧାର୍ଥ ସାହା ଓ ତାଙ୍କ ସାଥିଙ୍କ ଦ୍ୱାରା ପରିଚାଳିତ ‘ସାଥି ଚାରିଟେବଲ’ ପକ୍ଷରୁ ମାନବୀୟ ଓ ଧର୍ମ ସେବା କାର୍ଯ୍ୟ ନିରନ୍ତର ଜାରି ରହିଛି । ଏହି କ୍ରମରେ ସମ୍ବଲପୁରର ଚାରଭାଟି ଠାରେ ଜଗତଗୁରୁ କୃପାଳୁ ମହାରାଜଙ୍କ ଅନୁଗାମୀଙ୍କ ଦ୍ୱାରା ନିର୍ମାଣାଧୀନ ନିକଞ୍ଜ ବିହାରୀ ସତସଙ୍ଗ ଆଶ୍ରମ (ରାଧା ଗୋବିନ୍ଦ ଧାମ) ପାଇଁ ୫୦ ହଜାର ଟଙ୍କା ସହାୟତା କରାଯାଇଛି । ସାଥି ଅନୁଷ୍ଠାନର ବରିଷ୍ଠ ପରାମର୍ଶଦାତା ଶତ୍ରୁଘ୍ନ ଲାଲ ସାହା ଆଶ୍ରମ ନିର୍ମାଣସ୍ଥଳ ସୋମବାର ପରିଦର୍ଶନ କରିବା ସହିତ ସହାୟତା ରାଶି ଆଶ୍ରମ କମିଟିର ଉପ ସଭାପତି ନିର୍ମଳ କୁମାର ପଣ୍ଡା, ସନତ କୁମାର ପଣ୍ଡା, ଜୟନାରାୟଣ ମିଶ୍ର, ଅନୀଲ କୁମାର ପଣ୍ଡା ଓ ମୁରଲୀଧର ବିଶ୍ୱାଳଙ୍କୁ ପ୍ରଦାନ କରିଛନ୍ତି । ନିର୍ମାଣସ୍ଥଳ ପରିଦର୍ଶନ ପରେ ଶ୍ରୀ ସାହା ଆଗାମୀ ଦିନରେ ଆବଶ୍ୟକ ଅନୁଯାୟୀ ଶକ୍ତି ମୁତାବକ ସହାୟତା କରାଯିବ ବୋଲି କହିଛନ୍ତି । ସୂଚନାଯୋଗ୍ୟ, ସମାଜସେବୀ ସିଦ୍ଧାର୍ଥ ସାହାଙ୍କ ଦ୍ୱାରା କରୋନା ସଙ୍କଟ ସମୟରେ ନିରନ୍ତର ମାନବୀୟ ସେବା, ନିଶୁଳ୍କ ଅମ୍ଲଜାନ ସେବା, ୧ ଟଙ୍କାରେ ଆମ୍ବୁଲାନ୍ସ, ପଶୁପକ୍ଷୀଙ୍କୁ ଖାଦ୍ୟ ବଣ୍ଟନ, ଅସହାୟ ମାନଙ୍କୁ ଆର୍ଥିକ ସହାୟତା ଦେଇ ଚିକିତ୍ସା ତଥା ରୋଜଗାରକ୍ଷମ କରିବା ଆଦି ବିଭିନ୍ନ ମାନବୀୟ ସେବା ଜାରି ରହିଛି ।
Popular Categories
Previous article
Next article