ଭୋପାଳ . – ୫୦ ଲକ୍ଷ ଲୋକଙ୍କୁ ମାରିବା ପାଇଁ କ୍ଷମତା ରଖୁଥିବା ଏକ ରାସାୟନିକ ଦ୍ରବ୍ୟକୁ ମଧ୍ୟପ୍ରଦେଶ ରାଜସ୍ୱ ଅନୁସନ୍ଧାନ ନିର୍ଦ୍ଦେଶାଳୟ ବିଭାଗ ଜବତ କରିଛି। ଏହି ଦ୍ରବ୍ୟଟି ହେଉଛି ସିନ୍ଥେଟିକ ଓପିଅଡ୍ ବା ଫେନେଟାଇଲ । ଆମେରିକା ସହ ଅନ୍ୟ ଦେଶରେ ଏହାକୁ ବେଆଇନ ଭାବେ ଅଧିକ ନିଶା ହେବା ପାଇଁ ହେରୋଇନ୍ ପରି ନିଶା ଦ୍ରବ୍ୟରେ ମିଶାଯାଇଥାଏ । ଅଧିକ ମାତ୍ରାରେ ସେବନ କଲେ ମୃତ୍ୟୁ ହେବାର ସମ୍ଭାବନା ରହିଛି । ଏହାକୁ ଲୋକଙ୍କୁ ମାରିବା ପାଇଁ ବି ବ୍ୟବହାର କରାଯାଇ ପାରେ । ଏକ ବୁନ୍ଦା ଯୋଗୁଁ ଗୋଟିଏ ଲୋକର ମୃତ୍ୟୁ ହୋଇ ପାରେ ।
କେବଳ ସେତିକି ନୁହେଁ ଫେଣ୍ଟାଇଲକୁ ରାସାୟନିକ ଅସ୍ତ୍ର ଭାବେ ବ୍ୟବହାର କରାଯାଇ ପାରିବ । ଭାରତରେ ପ୍ରଥମଥର ପାଇଁ ଏପରି ରାସାୟନିକ ଦ୍ରବ୍ୟକୁ ଜବତ କରାଯାଇଛି । ବେଆଇନ ଭାବେ ଏହାକୁ ନିର୍ମାଣ କରାଯାଇଥିବା ଗବେଷଣାଗାରକୁ ଜବତ କରାଯାଇଛି । ଏହି ଘଟଣାରେ ୨ ଜଣ ମେକ୍ସିକୋ ନାଗରିକଙ୍କୁ ଗିରଫ କରାଯାଇଛି । ଏହି ଗବେଷଣା ଗାରରେ ଚଢଉ ବେଳେ ପ୍ରତିରକ୍ଷା ଗବେଷଣା ଓ ଉନ୍ନୟନ ସଂସ୍ଥାନର ବୈଜ୍ଞାନିକ ବି ସାମିଲ ଥିଲେ । ଏହି ଗବେଷଣା ଗାରକୁ ଜଣେ ସ୍ଥାନୀୟ ପିଏଚ୍ଡି ଓ ଡକ୍ଚର ଉପାଧିପ୍ରାପ୍ତ ବ୍ୟକ୍ତି ଚଳାଉଥିଲେ । ଏହାକୁ ଜବତ କରାଯିବା ପରେ ବୈଜ୍ଞାନିକମାନେ ବି ଆଶ୍ଚର୍ଯ୍ୟ ହୋଇ ଯାଇଛନ୍ତି । କାରଣ କେବଳ ତାଲିମ ପାଇଥିବା ବୈଜ୍ଞାନିକମାନେ ଫେଣ୍ଟାଇଲ୍ ତିଆରି କରି ପାରିବେ । ଜବତ ହୋଇଥିବା ରାସାୟନିକ ଦ୍ରବ୍ୟର ମୂଲ୍ୟ ଅନ୍ତର୍ଜାତୀୟ ବଜାରରେ ୧୦୦ କୋଟି ଟଙ୍କା ହେବ ।
