ହରଭଙ୍ଗା . ସାରା ଭାରତବର୍ଷରେ ମେ ଏକ ତାରିଖରେ ଅନ୍ତର୍ଜାତୀୟ ଶ୍ରମିକ ଦିବସ ପାଳନ ହେଇଛି । ଏଭଳି ଏକ ମହତ୍ ଦିନରେ ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ଅନ୍ତର୍ଗତ ଛତ୍ରଙ୍ଗ କେନ୍ଦୁପତ୍ର ରେଞ୍ଜର ଅଧିନସ୍ଥ ବାଇଶିପଡା ପତ୍ର ଫଡିରେ ଏକ ଅଭାବନୀୟ ଦୃଶ୍ୟ ନଜର କୁ ଆସିଛି ।
ଚାରି ରୁ ପାଞ୍ଚ ଜଣ କୁନି କୁନି ଶିଶୁ ଟାଣ ଖରାରେ ବାଉଁଶ ଝୁଡିରେ କେନ୍ଦୁପତ୍ର ମୁଣ୍ଡରେ ବୋହୁଥିବାର ଦୃଶ୍ୟ । ଶିଶୁମାନେ କେନ୍ଦୁପତ୍ର ଶୁଖାଉଥିବା ଏବଂ ଏହାକୁ ବାଉଁଶ ଝୁଡିରେ ମୁଣ୍ଡାଇ ନେଉଥିବା ନଜରକୁ ଆସିଛି। ଶିଶୁଙ୍କୁ ଏଭଳି କାର୍ଯ୍ୟରେ ନିୟୋଜିତ କରିଥିବା ବିଭାଗୀୟ ଅଧିକାରୀ ଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ନେବା ପାଇଁ ସିପିଆଇ ସମ୍ପାଦକ ଅବକାଶ ସାହୁ ଦାବି କରିଛନ୍ତି । ତୁରନ୍ତ ଏ ଦିଗରେ ଶ୍ରମବିଭାଗ କାର୍ଯ୍ୟାନୁଷ୍ଠାନ ଗ୍ରହଣ ପାଇଁ ଦାବି ହେଉଛି ।
