ପୁରୀ – ଭୁବନେଶ୍ୱରର ତଥା ବିଜେପି ସାସଂଦ ଅପରାଜିତା ଷଡଙ୍ଗୀ ଶ୍ରୀମନ୍ଦିର ପରିକ୍ରମା ପ୍ରକଳ୍ପ ବିରୋଧରେ ତଥାକଥିତ ପଦଯାତ୍ରା କରୁଥିବା ବେଳେ ଟମାଟୋ ମାଡ ହୋଇଛି । କଂଗ୍ରେସର ଜଣେ କର୍ମୀ ପଦଯାତ୍ରା ସମୟରେ ଟମାଟୋ ମାଡ କରି ସେହି ସ୍ଥାନର ଦୌଡି ପଳାଉଥିବା ଦେଖିବା ପାଇଁ ମିଳିଛି ।
ଶ୍ରୀମନ୍ଦିର କାର୍ଯ୍ୟାଳୟ ନିକଟରେ ଷଡଙ୍ଗୀ ତାଙ୍କ ସମର୍ଥକଙ୍କ ଗହଣରେ ଯାଉଥିବା ବେଳେ ଏହି ବ୍ୟକ୍ତି ଜଣଙ୍କ ଟମାଟୋ ମାଡ କରିଥିଲେ । ଏହା ପୂର୍ବରୁ ଅପରାଜିତ ଷଡଙ୍ଗୀ ଭୁବନେଶ୍ୱରରୁ ପୁରୀ ଆସୁଥିବା ବେଳେ ବାଟରେ ତାଙ୍କୁ ପୁଲିସ ଅଟକାଇଥିଲା । ପରେ ବିନା ସମର୍ଥକରେ ତାଙ୍କୁ ପୁରୀକୁ ଯିବା ପାଇଁ କୁହାଯାଇଥିଲା । ଅପରାଜିତା ତାଙ୍କ ସମର୍ଥକଙ୍କ ସହ ଶ୍ରୀମନ୍ଦିରକୁ ଶ୍ରୀଜଗନ୍ନାଥଙ୍କ ଦର୍ଶନ କରିବା ପାଇଁ ଯାଉଛନ୍ତି ବୋଲି କହିଥିଲେ । ଏହାପରେ ସେ ଚାଲି ଚାଲି ସମର୍ଥକଙ୍କ ଗହଣରେ ଶ୍ରୀମନ୍ଦିର ଯାଇଥିବା ବେଳେ ସରକାରଙ୍କୁ ଶ୍ରୀମନ୍ଦିର ପରିକ୍ରମା ପ୍ରକଳ୍ପ ପାଇଁ ସମାଲୋଚନା କରିବା ସହ ଏଥିପାଇଁ ସରକାର କିଛି ଲୁଚାଉଛନ୍ତି ବୋଲି କହିଥିଲେ ।
ବିଜେଡି ପକ୍ଷରୁ ଅପରାଜିତାଙ୍କ ପଦଯାତ୍ରାକୁ ବେଆଇନ କୁହାଯିବ ସହ ଲୋକ ତଥା ଭକ୍ତଙ୍କ ସୁବିଧା ପାଇଁ ଶ୍ରୀମନ୍ଦିର ପରିକ୍ରମା ପ୍ରକ୍ଳପ କରାଯାଉଥିବା କୁହାଯାଇଛି । ସମସ୍ତଙ୍କ ସାମ୍ନାରେ କାର୍ଯ୍ୟ ଚାଲିଛି । ଏହା ସମ୍ପୂର୍ଣ୍ଣ ହେଲେ ଭକ୍ତ ଓ ଦର୍ଶନାର୍ଥୀ ଉପକୃତ ହେବେ ବୋଲି କୁହାଯାଇଛି । ରାଜନୀତି କରିବା ପାଇଁ ସେ ଏପରି ବିକାଶ ମୂଳକ କାର୍ଯ୍ୟକୁ ବିରୋଧ କରୁଥିବା ବିଜେଡି ରାଜ୍ୟସଭା ସାସଂଦ ମୁନ୍ନାଖାନ୍ କହିଛନ୍ତି ।
