ବଡ଼ମ୍ବା: ରାଜ୍ୟ ସରକାରଙ୍କ ନିଷ୍ପତି କ୍ରମେ ଖୁବଶିଘ୍ର ବଡ଼ମ୍ବା ଏବଂ ନରସିଂହପୁରେ ଦୁଇଟି ନୂତନ ସବ୍ଜଜ୍କୋର୍ଟ ଖୋଲିବାକୁ ଯାଉଛି। ଜନସାଧାରଣଙ୍କ ଚାହିଦାକୁ ଦୃଷ୍ଟିରେ ରଖି ଏବଂ ଆଇନଜୀବୀଙ୍କ ଦାବିକୁ ଗୁରୁତ୍ୱ ଦେଇ ଗୋଟିଏ ବିଧାନସଭା କ୍ଷେତ୍ରରେ ଏକାସାଙ୍ଗରେ ଦୁଇଟି ସବ୍ଜଜ୍ କୋର୍ଟ ଖୋଲିବା ଏକ ବିରଳ ଓ ଐତିହାସିକ ଉପଲବ୍ଧି ବିବେଚନା କରାଯାଇଛି। ସ୍ଥାନୀୟ ବିଧାୟକ ତଥା ପୂର୍ବତନ ମନ୍ତ୍ରୀ ଦେବୀପ୍ରସାଦ ମିଶ୍ରଙ୍କ ସହଯୋଗ ଏବଂ ପ୍ରଚେଷ୍ଟାରୁ ଏହା ସାକାର ହୋଇପାରିଥିବାରୁ ଶୁକ୍ରବାର ବଡ଼ମ୍ବା ଓକିଲସଂଘ ତରଫରୁ ତାଙ୍କୁ କୃତଜ୍ଞତା ଜ୍ଞାମ୍ପନ କରାଯିବା ସହ ସମ୍ବର୍ଦ୍ଧିତ କରାଯାଇଛି।
ସଂଘର ସଭାପତି ଆଇନଜୀବୀ ସନ୍ତୋଷ କୁମାର ବେହେରାଙ୍କ ସଂଯୋଜନାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ପୂର୍ବତନ ସଭାପତି ଆଇନଜୀବୀ ସନ୍ତୋଷକୁମାର ପଟ୍ଟନାୟକ, କୈଳାସଚନ୍ଦ୍ର ଜେନା, ବିଦୁଭୂଷଣ ମହାନ୍ତି,ବରିଷ୍ଠ ଆଇନଜୀବୀ ଦୁର୍ଗାପ୍ରସାଦ ସାହୁ, ସରୋଜ କୁମାର ବେଉରା, ଅଜିତ ପ୍ରସାଦ ଚୌଧୁରୀ, ପରେଶ କୁମାର ମହାନ୍ତି, ବିଷ୍ଣୁ ପ୍ରସାଦ ସାହୁ, ମଞ୍ଜୁ ଦେଈ, ଲକ୍ଷ୍ମୀ ପାଲ, ଅଖୀଳ କୁମାର ଦାସ ପ୍ରମୁଖ ଯୋଗଦେଇ ବିଧାୟକ ଶ୍ରୀ ମିଶ୍ରଙ୍କୁ ସାଧୁବାଦ ଜଣାଇବା ସହ ଏହି ସଂଗ୍ରାମରେ ସାମିଲ ହୋଇ ଇତିମଧ୍ୟରେ ଦିବଂଗତ ହୋଇଯାଇଥିବା ଆଇନଜୀବୀ ସ୍ୱର୍ଗତ ସୁଦର୍ଶନ ବେଉରା, ସୂର୍ଯ୍ୟନାରାୟଣ ମିଶ୍ର, ଦୁର୍ଗାମାଧବ ରଥ, ହରିହର ବଳବନ୍ତରାୟ ଏବଂ କ୍ରିୟାନୁଷ୍ଠାନ କମିଟି ସଦସ୍ୟ ସ୍ୱର୍ଗତ ଅମୀୟ ପଟ୍ଟନାୟକଙ୍କୁ ଶ୍ରଦ୍ଧାସୁମନ ଅର୍ପଣ କରିଥିଲେ।
