ରେଙ୍ଗାଲିକ୍ୟାମ୍ପ: ଓଡ଼ିଶା ରାଜ୍ୟ କୃଷକ ସଂଗଠନ ଅତାବିରା ଶାଖାର ବରିଷ୍ଠ ଚାଷୀ ନେତା ପଲଉ ମାଝୀଙ୍କ ଧର୍ମପତ୍ନୀ ପୂର୍ଣବାସି ମାଝୀ (୬୦)ଙ୍କ ବିୟୋଗରେ ସଂଗଠନର ସମସ୍ତ କର୍ମକର୍ତ୍ତା ଶୋକ ପ୍ରକାଶ କରିଛନ୍ତି। ସେ କର୍କଟ ରୋଗରେ ଆକ୍ରାନ୍ତ ହୋଇ ଥିଲେ। ତାଙ୍କର ତିନି ପୁଅ ଓ ୨ ଟି ଝିଅ। ତାଙ୍କର ବିୟୋଗ ଖବର ପାଇ ଶେଷ ଦର୍ଶନ ପାଇଁ କୃଷକ ସଂଗଠନ ପହଞ୍ଚିଥିଲା ତାଙ୍କର ବାସଭବନ ଯହ୍ନାପଡ଼ାରେ। ସେ ଜଣେ ସାହାସୀ ତଥା ଧର୍ମ ପରାୟଣl ମହିଳା ଥିଲେ। କୃଷକ ସଙ୍ଗଠନକୁ ମଜଭୁତ କରି କୃଷକମାନଙ୍କ ଅଧିକାର ପାଇଁ ଲଢ଼ିବାକୁ ସେ ଅନେକ ସମୟରେ ନିଜ ସ୍ବାମୀଙ୍କୁ ଉତ୍ସାହିତ କରୁଥିଲେ। ତାଙ୍କର ନିଜସ୍ୱ ଜମିରେ ତାଙ୍କର ଶେଷ କୃତ୍ୟ ସଂପନ୍ନ କରାଯାଇଛି ।
ଅନ୍ତିମ ସଂସ୍କାର ପରେ ଶୋକାକୁଳ ପରିବାରକୁ ସମବେଦନା ଜଣାଇ ତାଙ୍କର ଅମର ଆତ୍ମାର ସଦଗତି ନିମନ୍ତେ ସଭାପତି ହାରାଧାନ ପ୍ରଧାନଙ୍କ ସଭାପତିତ୍ବରେ ଏକ ଶ୍ରଦ୍ଧାଞ୍ଜଳି ସଭାର ଆୟୋଜନ କରାଯାଇଥିଲା। ସ୍ବର୍ଗତl ମାଝୀଙ୍କ ଉଦ୍ଦେଶ୍ୟରେ ସଂଗଠନର ରାଜ୍ୟ ସମ୍ପାଦକ ଲୋକେଶ୍ଵର୍ ପ୍ରଧାନ, ବାବେବିରା କୃଷକ ସଂଗଠନର ସଭାପତି ପ୍ରକାଶ ନାଏକ, ବରିଷ୍ଠ ଚାଷୀ ନେତା ବୃଷଭାନୁ ସାହୁ, ବସନ୍ତ ବାରିକ୍, ଭିକାରୀ ବାରିକ୍, ହୃଷୀକେଶ ପ୍ରଧାନଙ୍କ ସମେତ ବିଭିନ୍ନ ପ୍ରାନ୍ତରୁ ଆସିଥିବା ଶତାଧିକ ଚାଷୀ ଯୋଗ ଦେଇ ଦିବଂଗତ ଆତ୍ମାର ସଦଗତି କାମନା କରି ଶ୍ରଦ୍ଧାଞ୍ଜଳୀ ଜ୍ଞାପନ କରିଥିଲେ।
