ଆଜି ହେଉଛି ମହାବିଷୁବ ସଂକ୍ରାନ୍ତି ବା ପଣା ସଂକ୍ରାନ୍ତି। ଆଜି ଠାରୁ ଆରମ୍ଭ ଓଡିଆ ନବବର୍ଷ। ତେବେ ଆଜି ଦିନରେ ଘରେ ଘରେ ଭଗବାନଙ୍କ ନିକଟରେ ଛତୁଆ ଭୋଗ କରାଯିବା ସହ ପ୍ରସ୍ତୁତ କରାଯାଇଥାଏ ବେଲପଣା। ଜାଣନ୍ତୁ କିଭଳି ପ୍ରସ୍ତୁତ କରିବେ ବେଲପଣା।
ଆବଶ୍ୟକ ସାମଗ୍ରୀ
ବେଲ – ୨ଟି
ଚିନି – ୧କପ
ଛେନା – ୨କପ
ରସଗୋଲା – ୨ଟି
ଗୋଲମରିଚ ଗୁଣ୍ଡ – ୧ ଚାମଚରୁ କମ୍
କଦଳୀ – ୨ଟି
ନଡିଆ କୋରା – ୧କପ
ପ୍ରସ୍ତୁତି ପ୍ରଣାଳୀ – ପ୍ରଥମେ ବେଲକୁ ଭାଙ୍ଗି ଏହା ମଧ୍ୟରୁ ଭଲ ଭାବେ ରସ ବାହାର କରନ୍ତୁ। ଏଥିରେ ପାଣି ମିଶାଇ ଏହାକୁ ଛଣା ଦ୍ୱାରା ଭଲ ଭାବେ ଛାଣି ଦିଅନ୍ତୁ। ଏବେ ଏଥିରେ ଚିନି,ଛେନା, ରସଗୋଲା,କଦଳୀ ,ନଡିଆ କୋରା ଆଦିକୁ ଭଲ ଭାବେ ମିଶାଇ ଗିଲାସରେ ଫେଣ୍ଟି ଦିଅନ୍ତୁ। ଏବେ ଏହା ଉପରେ ଗୋଲମରିଚ ଗୁଣ୍ଡ ପକାଇ ନଡିଆ କୋରା,ଛେନା ପକାଇ ସଜାଇ ଦିଅନ୍ତୁ ଓ ପିଅନ୍ତୁ ସ୍ୱାଦିଷ୍ଟ ବେଲପଣା।
Comments are closed.