ଭାରତର ପ୍ରତ୍ୟେକ ପ୍ରାନ୍ତର ପାରମ୍ପରିକ ଖାଦ୍ୟ ଥିବାବେଳେ ଗୁଜୁରାଟର ସ୍ଥାନ ମଧ୍ୟ ବେଶ୍ ଏଇ ତାଲିକାରେ ବେଶ୍ ସ୍ବତନ୍ତ୍ର ରହିଛି। ଉପକୂଳୀୟ ଏଇ ରାଜ୍ୟରେ ଲବଣାକ୍ତ ଭୂମି କାରଣରୁ ପନିପରିବା ଚାଷ ଭଲଭାବେ ହୋଇପାରେ ନାହିଁ। ଏଣୁ କାହିଁ କେଉଁକାଳରୁ ସେଠାର ପ୍ରତ୍ୟେକ ଖାଦ୍ୟ-ପାନୀୟରେ ବେସନର ମୁଖ୍ୟ ଭୂମିକା ରହିଛି। ସକାଳ ଜଳଖିଆଠାରୁ ଆରମ୍ଭ କରି ରାତ୍ରି ଭୋଜନ ପର୍ଯ୍ୟନ୍ତ ସବୁ ବ୍ୟଞ୍ଜନରେ ବେସନର ବ୍ୟବହାର ଅଳ୍ପବହୁତେ ହୋଇଥାଏ। ଗୁଜୁରାଟୀଙ୍କ ବ୍ୟଞ୍ଜନ ‘ଦହି-କଡ଼ି’, ‘କଢ଼ି ପକୋଡ଼ା’ ଇତ୍ୟାଦି ସ୍ବାସ୍ଥ୍ୟ ଉପରେ ମଧ୍ୟ ଉତ୍ତମ ପ୍ରଭାବ ପକାଉଥିବାର ବିଶେଷଜ୍ଞଙ୍କ ମତ। ଏସବୁ ନିୟମିତ ଖାଇଲେ ପେଟ ଥଣ୍ଡା ରହିବା ସହ ଖାଦ୍ୟ ଭଲଭାବେ ହଜମ ହୋଇଥାଏ। ଗୁଜୁରାଟରେ ବେସନ ରୁଟି, ବେସନ-ଆଳୁ ତରକାରି, ଭାକରି, ଖାକରା, ଥେପଲା, ଧୋକଲା, ପୁରନ୍ ପୋଲି ଇତ୍ୟାଦି ବ୍ୟଞ୍ଜନ ଖୁବ୍ ଲୋକପ୍ରିୟ।
ଗୁଜୁରାଟୀ ଯୁବତୀ ଓ ମହିଳାଙ୍କର କେଶ-ତ୍ବଚା ଆକର୍ଷଣୀୟ ହେବା ପଛର ମୁଖ୍ୟ କାରଣ ହେଲା, ସେମାନେ ନିୟମିତ ଭାବେ ବେସନକୁ ବିଭିନ୍ନ ବ୍ୟଞ୍ଜନରେ ଉପଯୋଗ କରି ସେବନ କରିଥାନ୍ତି। ଉତ୍ତମ ମାନର ବେସନକୁ ନିୟମିତ ଖାଦ୍ୟ ପ୍ରସ୍ତୁତିରେ ବ୍ୟବହାର କଲେ ମଧୁମେହର ଆଶଙ୍କା କମ୍ ହେବା ସହ ଓଜନ ମଧ୍ୟ ନିୟନ୍ତ୍ରିତ ରହିଥାଏ।
ଗୁଜୁରାଟୀଙ୍କ ଭିନ୍ନ ଖାଦ୍ୟପାନୀୟ
Popular Categories
Previous article
Next article