ବାଙ୍କୀ : ବାଙ୍କୀ ବ୍ଲକ ଅନ୍ତର୍ଗତ କନ୍ତପହଁରା ପଞ୍ଚାୟତ କାର୍ଯ୍ୟାଳୟ ପରିସରରେ ଶୁକ୍ରବାର ଦିନ ଅପରାହ୍ନରେ ପଞ୍ଚାୟତ ସ୍ତରୀୟ ଶିଶୁ ସୁରକ୍ଷା କମିଟି ବୈଠକ ଅନୁଷ୍ଠିତ ହୋଇଯାଇଛି। ନବ ନିର୍ବାଚିତ ସରପଞ୍ଚ ଗତିକୃଷ୍ଣ ସ୍ୱାଇଁଙ୍କ ଅଧ୍ୟକ୍ଷତାରେ ସଞ୍ଚାଳିତ କାର୍ଯ୍ୟକ୍ରମରେ ସମ୍ମାନିତ ଅତିଥି ଭାବରେ ସମିତିସଭ୍ୟ କୃଷ୍ଣଚନ୍ଦ୍ର ବରାଳ,ସ୍ଥାନୀୟ ପ୍ରାଥମିକ ବିଦ୍ୟାଳୟର ଶିକ୍ଷକ ସରୋଜ କୁମାର ଜେନା ଉପସ୍ଥିତ ରହି ପଞ୍ଚାୟତ ସ୍ତରୀୟ ଶିଶୁ ସୁରକ୍ଷା କମିଟିର ଗୁରୁତ୍ୱ ଓ ଆବଶ୍ୟକତା ସମ୍ପର୍କରେ ଆଲୋକପାତ କରିଥିଲେ। ବାଙ୍କୀ ସମନ୍ୱିତ ଶିଶୁ ବିକାଶ ଯୋଜନା କାର୍ଯ୍ୟାଳୟର ନିର୍ଦ୍ଦେଶ କ୍ରମେ ପଞ୍ଚାୟତ ସ୍ତରରେ ପିଲାଙ୍କ ପାଇଁ ଦିନଟିଏ ସମ୍ପର୍କରେ ଆଲୋଚନା କରାଯାଇ ଶିଶୁ ସୁରକ୍ଷା,ଶିଶୁର ଯତ୍ନ,ପୁଷ୍ଟି ବ୍ୟବସ୍ଥା,କିଶୋରୀ ବାଳିକାଙ୍କର ଯତ୍ନ ଏବଂ ବାଲ୍ୟ ବିବାହ ଆଇନତଃ ଏକ ଦଣ୍ଡନୀୟ ଅପରାଧ ବୋଲି ଆଲୋକପାତ କରାଯାଇଛି। ପଞ୍ଚାୟତର କୌଣସି ଗ୍ରାମରେ ବାଲ୍ୟ ବିବାହ ନଜରକୁ ଆସିଲେ କମିଟି ସଦସ୍ୟ ମାନେ କନ୍ୟାର ପିତାମାତା,ପରିବାର ଏବଂ ବରର ପିତାମାତାଙ୍କୁ ସଚେତନ କରି ୧୮ବର୍ଷ ପରେ ବିବାହକୁ ସମାପନ କରିବା ପାଇଁ ଗୁରୁତ୍ୱ ଦିଆଯାଇଛି। ପଞ୍ଚାୟତ ଅନ୍ତର୍ଗତ କନ୍ତପହଁରା ଗ୍ରାମ ଅଙ୍ଗନବାଡି କର୍ମୀ ସନ୍ଧ୍ୟାରାଣୀ ଜେଠୀ,ମିନତି ଚୌଧୁରୀ,ଘୋଳପୁର ଗ୍ରାମର ଅଙ୍ଗନବାଡି କର୍ମୀ ନର୍ମଦା ମହାପାତ୍ର,ଉର୍ମିଳା ବେହେରା,ମମତା ଚୌଧୁରୀ,ଗାୟତ୍ରୀ ସାମଲ,ସୁଭଦ୍ରା ବଳ,ଆନନ୍ଦନାଥପାଟଣାର ପ୍ରଜ୍ଞାପରମିତା ନାଥ,ମମତା ସାହୁ ଏବଂ କୃଷ୍ଣପୁର ଗ୍ରାମର ଅଙ୍ଗନବାଡି କର୍ମୀ କଳ୍ପନା ପରିଡା ପ୍ରମୁଖ ଯୋଗଦେଇ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ।
Popular Categories
Previous article
Next article