ବଡସାହି : ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ମୟୂରଭଞ୍ଜ ଜିଲା ବଡସାହି ବ୍ଲକର ବାଗୁଲି ଆଶ୍ରମ ସ୍କୁଲର ପ୍ରଧାନଶିକ୍ଷକ ବିଶ୍ୱନାଥ ସାହୁଙ୍କ ଘରେ ଭିଜିଲାନ୍ସ ଚଢଉ କରିଛି। ତାଙ୍କର ବାରିପଦାସ୍ଥିତ ବାସଭବନ ଉପରେ ଭିଜିଲାନ୍ସ ଟିମ୍ ପ୍ରଥମେ ଚଢଉ କରିଥିଲା। ତାପରେ ତାଙ୍କର ପୈତୃକ ଘର ଖେରଣା ଓ ଶ୍ୱଶୁର ଘର ସାରସକଣାରେ ଚଢଉ ହୋଇଛି। ମଙ୍ଗଳବାର ସକାଳେ ବାରିପଦା ଭିଜିଲାନ୍ସ ବିଭାଗର ୩ଟି ଟିମ୍ ଏକକାଳୀନ ତିନୋଟି ସ୍ଥାନରେ ଚଢଉ କରିଛନ୍ତି। ତାଙ୍କ ଘରୁ ନଗଦ ଟଙ୍କା, ସୁନାଅଳଙ୍କାର, ବ୍ୟାଙ୍କ ପାସବୁକ, ବିଭିନ୍ନ ସ୍ଥାନରେ ଥିବା ଜମିର କାଗଜପତ୍ର ଓ ଯାନବାହାନର କାଗଜପତ୍ର ଜବତ ହୋଇଛି।
