କିଭ୍: ବିଶ୍ବର ସବୁଠୁ ଶ୍ରେଷ୍ଠ ଲକ୍ଷ୍ୟଭେଦୀ ବ୍ୟକ୍ତି (ସ୍ନାଇପର) ‘ୱାଲି’ ରୁଷିଆ ବିରୋଧରେ ଲଢ଼େଇ ପାଇଁ ୟୁକ୍ରେନ୍ ସେନାରେ ସାମିଲ ହୋଇଛନ୍ତି। ସେ ବୁଧବାର କାନାଡ଼ାରୁ ଆସି କିଭ୍ରେ ପହଞ୍ଚିବା ପରେ ସେନାରେ ଯୋଗ ଦେଇଛନ୍ତିି। ଜଣେ ଭଲ ସ୍ନାଇପର ଦିନକୁ ୪ରୁ ୭ ଶିକାର କରିପାରୁଥିବା ବେଳେ ୱାଲି ଦୈନିକ ୪୦ ଶତ୍ରୁ ସୈନ୍ୟଙ୍କୁ ମାରିବା ଦକ୍ଷତା ରଖିଛନ୍ତି। ପ୍ରାୟ ସାଢ଼େ ୩ କିମି ଦୂରରୁ ସେ ନିଶାଣ ଲଗାିପାରନ୍ତି। ‘ରୟାଲ କାନାଡ଼ିଆନ୍ ୨୨ତମ ରେଜିମେଣ୍ଟ’ରେ କାର୍ଯ୍ୟ କରିଥିବା ଏହି ବରିଷ୍ଠ ସ୍ନାଇପର ୟୁକ୍ରେନ୍ ରାଷ୍ଟ୍ରପତି ଭୋଲୋଦିମିର ଜେଲେନ୍ସ୍କିଙ୍କ ଆହ୍ବାନରେ ପ୍ରଭାବିତ ହୋଇ ଯୁଦ୍ଧ କରିବାକୁ ଆଗେଇ ଆସିଥିବା କହିଛନ୍ତି। ରୁଷିଆ ଆକ୍ରମଣ ପରେ ଜେଲେନ୍ସ୍କି ଆଗ୍ରହୀ ବିଦେଶୀମାନଙ୍କୁ ମଧ୍ୟ ତାଙ୍କ ଦେଶ ସପକ୍ଷରେ ଲଢ଼େଇ କରିବାକୁ ଆହ୍ବାନ ଦେଇଥିଲେ। ୱାଲି ହେଉଛନ୍ତି ଫ୍ରାନ୍ସ ଓ କାନାଡ଼ା ନାଗରିକତ୍ବଧାରୀ କମ୍ପ୍ୟୁଟର ଇଞ୍ଜିନିୟର। ୨୦୦୯ ଓ ୨୦୧୧ରେ ସେ ଆଫଗାନିସ୍ତାନ ଯୁଦ୍ଧରେ ସାମିଲ ହୋଇଥିଲେ।
Popular Categories
Previous article
Next article