ଆଠଗଡ଼/ଗୁରୁଡ଼ିଝାଟିଆ: ଆଠଗଡ଼ ଅବକାରୀ ଏବଂ କଟକ ଜିଲ୍ଲା ଭ୍ରାମ୍ୟମାଣ ଅବକାରୀ ଦଳ ମିଳିତ ଭାବେ ଖୁଣ୍ଟୁଣୀ ଥାନା ଅନ୍ତର୍ଗତ ମଠନଳା ଓ ହାତୀତୋପ ସଂରକ୍ଷିତ ଜଙ୍ଗଲରେ ଚାଲିଥିବା ବେଆଇନ ମଦଭାଟି ଉପରେ ଚଢାଉ କରିଥିଲେ। ଏହି ଚଢାଉ ସମୟରେ ବଡ ବଡ ଗାତ ଖୋଲି ଶତାଧିକ ପ୍ଲାଷ୍ଟିକ ଜାରିକିନରେ ଲୁଚାଇ ରଖାଯାଇଥିବା ୩୫୫୦ଲିଟର ପୋଚ ଏବଂ ଚାଲାଣ ପାଇଁ ରଖାଯାଇଥିବା ୨୬୦ଲିଟର ସଦ୍ୟପ୍ରସ୍ତୁତ ଦେଶୀମଦ ଜବତ କରାଯାଇ ଘଟଣାସ୍ଥଳରେ ନଷ୍ଟ କରାଯାଇଥିଲା। ଅନତି ଦୂରରୁ ଏକାଧିକ ଗାଡି ସଂରକ୍ଷିତ ଜଙ୍ଗଲ ଅଭିମୁଖେ ଯାଉଥିବା ଦେଖି ମଦ ମାଫିଆ ଚମ୍ପଟ ମାରିଥିବାରୁ କାହିରିକୁ ଗିରଫ କରାଯାଇ ପାରିନଥିଲା। ଆଠଗଡ଼ ଅବକାରୀ ନିରୀକ୍ଷକ ପ୍ରଭାସ କୁମାର ଚୌଧୁରୀ, କଟକ ଜିଲ୍ଲା ୨ନଂ ଭ୍ରାମ୍ୟମାଣ ଅବକାରୀ ଦଳର ନିରୀକ୍ଷକ ସଂଜୀତ ବାର୍ଲା, ଆଠଗଡ଼ ଉପନିରୀକ୍ଷକ ବିଜୟ କୁମାର ଭଞ୍ଜ ଏବଂ ନରସିଂହପୁର ଅବକାରୀ ସହକାରୀ ଉପନିରୀକ୍ଷକ ଦେବାନନ୍ଦ ଭୂୟାଁଙ୍କ ସମେତ ବହୁ ଅବକାରୀ କର୍ମଚାରୀ ଏଥିରେ ନିୟୋଜିତ ହୋଇଥିଲେ।
Popular Categories
Previous article
Next article