ମୋବାଇଲ ଫୋନ ବର୍ତ୍ତମାନ ସମସ୍ତଙ୍କ ଜୀବନର ଏକ ଅଙ୍ଗ ହୋଇଯାଇଛି। ସମସ୍ତେ ପ୍ରାୟ ମୋବାଇଲକୁ ନିଜ ପାଖରେ ରଖିବାକୁ ପସନ୍ଦ କରିଥାନ୍ତି। ପ୍ରାୟତଃ ଅଧିକାଂଶ ପୁରୁଷମାନେ ନିଜ ପକେଟରେ ମୋବାଇଲ ରଖିଥାନ୍ତି। ଏହା ଏକ ଅଭ୍ୟାସ ରୂପେ ମଧ୍ୟ ପରିଣତ ହୋଇଯାଇଛି।
ପକେଟରେ ମୋବାଇଲ ରଖିବା ଦ୍ୱାରା ତାହା ସୁରକ୍ଷିତ ରହିଥାଏ। କିନ୍ତୁ ଏହା ଆମ ଶରୀର ଉପରେ ପ୍ରଭାବ ପକାଇଥାଏ। ଏହା ଆମ ସ୍ୱାସ୍ଥ୍ୟ ପାଇଁ କ୍ଷତିକାରକ ହୋଇଥାଏ। ସ୍ୱାସ୍ଥ୍ୟ ବିଶେଷଜ୍ଞଙ୍କ ମତରେ ଆମେ ଯେତେବେଳେ ମୋବାଇଲ ପକେଟରେ ରଖିଥାଉ ସେଥିରୁ ନିର୍ଗତ ହେଉଥିବା ରେଡିଏସନ୍ ଆମ ଶରୀରରେ ୭ଗୁଣା ଅଧିକ ହୋଇଯାଏ।
ମୋବାଇଲରୁ ନିର୍ଗତ ହେଉଥିବା ରେଡିଏସନ୍ ଯୋଗୁଁ ଟ୍ୟୁମର ହୋଇଥାଏ। ଏହାସହ ଆମ ହୃଦୟ ଉପରେ ମଧ୍ୟ ଖରାପ ପ୍ରଭାବ ପଡିଥାଏ, ଯାହାଦ୍ୱାରା ହୃଦଘାତ ହେବାର ସମ୍ଭାବନା ଅଧିକ ହୋଇଥାଏ।
ମୋବାଇଲକୁ ପ୍ୟାଣ୍ଟ ପକେଟରେ ରଖିବା ଦ୍ୱାରା ତାହା ଆମ ଶରୀରର ହାଡ ଉପରେ ପ୍ରଭାବ ପକାଇଥାଏ। ପ୍ୟାଣ୍ଟର ପଛ ପକେଟରେ ମୋବାଇଲ ରଖିବା ଦ୍ୱାରା ଅଣ୍ଟା ଦରଜ ପରି ସମସ୍ୟା ସୃଷ୍ଟି ହୋଇଥାଏ।
ସୁସ୍ଥ ରହିବାକୁ ଚାହୁଁଥିଲେ ମୋବାଇଲ ଫୋନର ବ୍ୟବହାର କମ୍ କରନ୍ତୁ। ଶୋଇବା ପୂର୍ବରୁ ମୋବାଇଲ ଫୋନକୁ ଅଳ୍ପ ଦୂରରେ ରଖନ୍ତୁ। ଶୋଇବା ସମୟରେ ବାରମ୍ବାର ଫୋନ ଦେଖିବା ଦ୍ୱାରା ନିଦ ଉପରେ ଖରାପ ପ୍ରଭାବ ପଡିଥାଏ ।
