ନୂଆଦିଲ୍ଲୀ: ସୁନା କିଣିବାକୁ ଚାହୁଁଛନ୍ତି କି ? ତେବେ ଆପଣଙ୍କ ପାଇଁ ଏହା ହେବ ସୁବର୍ଣ୍ଣସୁଯୋଗ । କାରଣ ଆପଣଙ୍କ ପାଇଁ ସରକାର ଗୋଲ୍ଟ ଲୋନ୍ ସ୍କିମ୍ ୨୦୦୨୧-୨୨ ଜରିଆରେ ରିହାତି ପ୍ରଦାନ କରୁଛନ୍ତି । ଏଥିପାଇଁ ଗ୍ରାମ ପିଛା ୫,୧୦୯ଟଙ୍କା ଧାର୍ଯ୍ୟ କରାଯାଇଛି । ଆପଣ ଯଦି ସୁନା କିଣିବାକୁ ଚାହୁଁଥିବେ ତେବେ ଆସନ୍ତା ସୋମବାର ଅର୍ଥାତ ଫେବ୍ରୁଆରୀ ୨୮ ତାରିଖଠାରୁ ଏଥିପାଇଁ ଆବେଦନ କରିପାରିବେ । ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ (ଆରବିଆଇ) ଶୁକ୍ରବାର ଦିନ କହିଛି ଯେ ଗୋଲ୍ଡ ବଣ୍ଡ ସ୍କିମ୍ ୨୦୨୧-୨୨ର ଦଶମ କିସ୍ତି ଫେବୃଆରୀ ୨୮ ରୁ ମାର୍ଚ୍ଚ ୪ ପର୍ୟ୍ୟନ୍ତ ଖୋଲା ରହିବ ।
ଏହାକୁ ନେଇ କେନ୍ଦ୍ରୀୟ ବ୍ୟାଙ୍କ ମଧ୍ୟ ତାର ବିବୃତି ରଖିଛି । ବ୍ୟାଙ୍କ କହିଛି ସୁନା ବଣ୍ଡର ମୂଲ୍ୟ ଗ୍ରାମ ପିଛା ୫,୧୦୯ଟଙ୍କା ଧାର୍ଯ୍ୟ କରାଯାଇଛି । ଅନଲାଇନରେ ଆବେଦନ କରୁଥିବା ବ୍ୟକ୍ତି ରିହାତି ପାଇପାରିବେ । ଅନଲାଇନରେ ଆବେଦନ କରୁଥିବା ନିବେସକଙ୍କୁ ସରକାର ଗ୍ରାମ ପ୍ରତି ୫୦ଟଙ୍କା ରିହାତି ପ୍ରଦାନ କରିବେ । ସେମାନଙ୍କୁ ସୁନା ବଣ୍ଡର ମୂଲ୍ୟ ଗ୍ରାମ ପିଛା ୫,୦୫୯ ଟଙ୍କା ରହିବ ବୋଲି ଆରବିଆଇ କହିଛି।
ଜାଣି ରଖନ୍ତୁ ସୁନାର ବଣ୍ଡ କେଉଁଠାରୁ ପାଇପାରିବେ ?
ଆପଣ ସୁନାର ବଣ୍ଡ କିଣିବାକୁ ଚାହୁଁଥିଲେ । ବଣ୍ଡଗୁଡିକ ଷ୍ଟକ୍ ହୋଲ୍ଡିଂ କର୍ପୋରେସନ୍ ଅଫ୍ ଇଣ୍ଡିଆ ଲିମିଟେଡ୍, ଡାକଘର ଏବଂ ସ୍ୱୀକୃତିପ୍ରାପ୍ତ ଷ୍ଟକ୍ ଏକ୍ସଚେଞ୍ଜ ମାଧ୍ୟମରେ କିଣିପାରିବେ । ଏହାକୁ ଭାରତ ରିଜର୍ଭ ବ୍ୟାଙ୍କ ଓ ଭାରତ ସରକାରଙ୍କ ତରଫରୁ ଏହି ବଣ୍ଡ ଜାରି କରାଯିବ । ସବୁଠାରୁ ବଡ଼ କଥା ଜାଣି ରଖନ୍ତୁ ଗ୍ରାହକ ମାନେ ୧ ଗ୍ରାମରୁ ୪ କିଲୋ ଯାଏ ସୁନା କିଣିପାରିବେ । ଏହାଠାରୁ ଅଧିକ ସୁନା କିଣିପାରିବେ ନାହିଁ । ଟ୍ରଷ୍ଟ ଏବଂ ସମାନ ୟୁନିଟ୍ ପ୍ରତ୍ୟେକ ଆର୍ଥିକ ବର୍ଷରେ ୨୦ କିଲୋଗ୍ରାମ ପାଇଁ ଆବେଦନ କରିପାରିବେ ।
