ଛତିଶଗଡ଼: ବିବାହ ଉତ୍ସବ ଚାଲୁଥିବା ବେଳେ ନାବାଳିକାଙ୍କୁ ଦୁଷ୍କର୍ମ ଅଭିଯୋଗ । ଜୟପୁରରେ ଜଣେ ନାବାଳିକାଙ୍କୁ ଦୁଷ୍କର୍ମ କରାଯାଇଥିବା ଅଭିଯୋଗ ହୋଇଛି । ସୂଚନା ମୁତାବକ କିଛି ଯୁବକ ନାବାଳିକାଙ୍କୁ ବଳପୂର୍ବକ ଉଠାଇ ନେଇଥିଲେ । ଉଠାଇ ନେବା ପରେ ତାଙ୍କୁ ଗଣଦୁଷ୍କର୍ମ କରିଥିଲେ । ଏହି ଘଟଣାରେ ୫ଜଣ ଅଭିଯୁକ୍ତ ସାମିଲ ଥିବା ବେଳେ, ପୁଲିସ ୨ ଜଣ ଅଭିଯୁକ୍ତଙ୍କୁ ଗିରଫ କରିଛି । ଅନ୍ୟ ତିନି ଜଣ ଏବେ ବି ଫେରାର ରହିଛନ୍ତି ।
ମିିଳିଥିବା ସୂଚନା ଅନୁସାରେ ବିବାହ କାର୍ଯ୍ୟକ୍ରମ ପାଇଁ ଡିଜେ ବାଜୁଥିଲା । ସେହି ସମୟରେ ଅଭିଯୁକ୍ତ ମାନେ ନାବାଳିକାଙ୍କୁ ଉଠାଇ ନେଇଥିଲେ । ନାବାଳିକା ଜଣକ ଖୁବ୍ ଜୋରରେ ମଧ୍ୟ ଚିତ୍କାର କରିଥିଲେ । ହେଲେ ଡିଜେର ଶବ୍ଦରେ ତାଙ୍କର ଚିତ୍କାର ଶୁଭିନଥିଲା । ପରେ ଅଭିଯୁକ୍ତ ମାନେ ନାବାଳିକାଙ୍କୁ ମାଡ ମାରିବା ସହ ଦୁଷ୍କର୍ମ କରିଥିଲେ । ପୀଡ଼ିତା ଜଣକଙ୍କ ଶରୀରରେ ଗଭୀର କ୍ଷତ ଲାଗିଛି ।
ଗତ ୧୭ ତାରିଖ ରାତି ୯ଟା ୩୦ ବେଳେ ଏହି ଘଟଣା ଘଟିଛି । ନାବାଳିକା ଜଣକ ନିଜ ସାଙ୍ଗ ଘରକୁ ବିବାହ ଉତ୍ସବରେ ସାମିଲ ହେବାକୁ ଯାଇଥିବା ସମୟରେ ଏହି ଘଟଣା ଘଟିଥିଲା । ପରିବାର ଲୋକ ଏନେଇ ଜାଣିବା ପରେ ଥାନାରେ ଅଭିଯୋଗ କରିଛନ୍ତି । ଅଭିଯୋଗ ଆଧାରରେ ପୋଲିସ ୨ଜଣ ଅଭିଯୁକ୍ତଙ୍କୁ ଗିରଫ କରିବା ସହ ଅନ୍ୟ ତିନି ଅଭିଯୁକ୍ତଙ୍କୁ ଖୋଜାଖୋଜି କରୁଛି ।
