ଆଠଗଡ଼: ଆଠଗଡ଼ର ଷ୍ଟାର କ୍ରିକେଟ କ୍ଲବ ଆନୁକୂଲ୍ୟରେ ମୁଖ୍ୟ କ୍ରୀଡାଙ୍ଗନରେ ଚାଲିଥିବା ୩ୟ ନଳିନୀପ୍ରଭା କ୍ରିକେଟ ଟୁର୍ଣ୍ଣାମେଣ୍ଟର ଶୁକ୍ରବାର ଅନୁଷ୍ଠିତ ପ୍ରଥମ ସେମିଫାଇନାଲରେ ଆୟୋଜକ ଷ୍ଟାର କ୍ରିକେଟ କ୍ଲବ ବିନ୍ଦାଣିମାର ଆରଏସିଏକୁ ୩୭ରନ ବ୍ୟବଧାନରେ ପରାସ୍ତ କରି ଫାଇନାଲରେ ପ୍ରବେଶ କରିଥିବା ଜଣାପଡ଼ିଛି। ଟସ୍ ଜିତି ପ୍ରଥମେ ବ୍ୟାଟିଂ କରିଥିବା ଷ୍ଟାର କ୍ରିକେଟ କ୍ଲବ ନିଦ୍ଧାରିତ ୨୦ ଓଭରରେ ୭ ୱିକେଟ ହରାଇ ୨୦୬ ରନ୍ ସଂଗ୍ରହ କରିଥିଲା। ୨୦୭ରନ୍ ବିଜୟ ଲକ୍ଷ୍ୟର ଅନୁଧାବନ କରି ବିନ୍ଧାଣିମା ଦଳ ୧୯.୦୧ ଓଭରରେ ସମସ୍ତ ୱିକେଟ ହରାଇ ୧୬୯ରନ୍ ସଂଗ୍ରହ କରିବାରେ ସକ୍ଷମ ହେବା ସହ ପରାଜିତ ହୋଇଥିଲା। ଅଲୁପ ଦାଶ ଓ ପ୍ରିୟରଞ୍ଜନ ଗୋଚ୍ଛାୟତ ଅମ୍ପାୟାର ଭାବେ ଏହି ମ୍ୟାଚଟିକୁ ପରିଚାଳନା କରିଥିଲେ। ଷ୍ଟାର କ୍ଲବର ସମସ୍ତ ସଭ୍ୟ ଟୁର୍ଣ୍ଣାମେଣ୍ଟ ପରିଚାଳନାରେ ସହଯୋଗ କରିଥିଲେ। ଆସନ୍ତା କାଲି ଢେଙ୍କାନାଳ ମାର୍ଥାପୁର କ୍ରିକେଟ କ୍ଲବ ଓ ଚୌଦ୍ୱାରର ଜ୍ୟାକୋବିନ୍ କ୍ରିକେଟ କ୍ଲବ ମଧ୍ୟରେ ୨ୟ ସେମିଫାଇନାଲ ମ୍ୟାଚ ଅନୁଷ୍ଠିତ ହେବ ବୋଲି ଆୟୋଜକଙ୍କ ସୁତ୍ରରୁ ପ୍ରକାଶ।
Popular Categories
Previous article
Next article