ଆଠଗଡ଼: ଆଠଗଡ଼ ବ୍ଲକର ୩ନଂ ଜିଲ୍ଲାପରିଷଦ ଜୋନରେ ବିଜେଡି ପ୍ରାର୍ଥୀ ବଳଭଦ୍ର ବାଘଙ୍କ ପାଇଁ ସର୍ବୋଚ୍ଚ ନ୍ୟାୟାଳୟର ଆଇନଜୀବୀ ଓ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁଙ୍କ ପୁଅ ତଥା ବିଜେଡି ଯୁବନେତା ଆଦିତ୍ୟ ପ୍ରତାପ ସ୍ୱାଇଁ ଶୋଭାଯାତ୍ରା ମାଧ୍ୟମରେ ଶୁକ୍ରବାର ପ୍ରଚାର କରିଥିଲେ। ରାଧାଗୋବିନ୍ଦପୁର, ଧାଇପୁର, ବେଣ୍ଟପଦା, ରାଜନଗର, କନ୍ଦରପୁର ଓ ମେଘା ପଞ୍ଚାୟତର ବିଭିନ୍ନ ଗ୍ରାମରେ ମୋଟରସାଇକେଲ ଶୋଭାଯାତ୍ରା ଏବଂ ପଥପ୍ରାନ୍ତ ସଭା ମାଧ୍ୟମରେ ଆଦିତ୍ୟ ଦଳୀୟ ପ୍ରାର୍ଥୀଙ୍କ ପାଇଁ ଭୋଟ ଭିକ୍ଷା କରିଥିଲେ। ତତ୍ସହିତ ସଂପୃକ୍ତ ପଞ୍ଚାୟତଗୁଡିକରେ ବିଜେଡି ସମର୍ଥନ କରୁଥିବା ସରପଞ୍ଚ, ସମିତିସଭ୍ୟ ଓ ୱାର୍ଡସଭ୍ୟଙ୍କ ପାଇଁ ମଧ୍ୟ ଶ୍ରୀ ସ୍ୱାଇଁ ପ୍ରଚାର କରିଥିଲେ। ଦଳର ବହୁ ଛାମୁଁଆ ନେତା, ମହିଳା ନେତ୍ରୀ ଓ କର୍ମୀ ଏହି ଶୋଭାଯାତ୍ରାରେ ସାମିଲ ହୋଇ ଦଳୀୟ ପ୍ରାର୍ଥୀଙ୍କ ପାଇଁ ପ୍ରଚାର କରିଥିଲେ। ବିଭିନ୍ନ ଗ୍ରାମରେ ଆଦିତ୍ୟ ଏବଂ ଦଳୀୟ ଜିଲ୍ଲାପରିଷଦ ପ୍ରାର୍ଥୀଙ୍କୁ ଉତ୍ସସିତ ସ୍ୱାଗତ କରାଯାଇଥିବା ଦେଖିବାକୁ ମିଳିଥିଲା।
Popular Categories
Previous article
Next article