ଚୌଦ୍ୱାର : ଜାମ୍ମୁ କାଶ୍ମୀର ପୁଲୱାମାରେ ଆତଙ୍କବାଦୀ ଆକ୍ରମଣରେ ସହିଦ୍ ହୋଇଥିବା ଭାରତର ୪୦ଜଣ ଯବାନଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରାଯାଇଛି। ସ୍ଥାନୀୟ ସ୍ୱେଚ୍ଛାସେବୀ ଅନୁଷ୍ଠାନ ଉଦ୍ଧାର ଫାଉଣ୍ଡେସନ୍ ତରଫରୁ ଚାରବାଟିଆ ବିରାଟ ବଜାର ଠାରେ ଏହି ଉପଲକ୍ଷେ ଅନୁଷ୍ଠିତ କାର୍ଯ୍ୟକ୍ରମରେ ଉଦ୍ଧାର ଫାଉଣ୍ଡେସନର ସଦସ୍ୟବୃନ୍ଦ, ଏଆରସି ସୁରକ୍ଷା ଦାୟିତ୍ୱରେ ଥିବା ଆଇଟିବିପିର ଯବାନ୍, ବିରାଟ ବଜାର କମିଟି ସଦସ୍ୟବୃନ୍ଦ ଏବଂ ସ୍ଥାନୀୟ ଜନ ସାଧାରଣ ସହିଦ୍ ଯବାନ୍ ମାନଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ । ଆଇଟିବିପିର ଆନନ୍ଦ ସିଂ, କମଳେନ୍ଦୁ ପାନ୍, ଅରବିନ୍ଦ କୁମାର, ଅମୀର ହାଁସଦା, ଫାଉଣ୍ଡେସନ୍ ସମ୍ପାଦକ ଶିବାନନ୍ଦ ବାରିକ୍, ଉପଦେଷ୍ଟା କିରଣବାଳା ନାୟକ, ଗୋଲାପ ସିଂ,ଦିଲ୍ଲିପ ସାହ. କେଦାର ବେହେରା,ବିରାଟ ବଜାର କମିଟି ସଭାପତି ପ୍ରଶାନ୍ତ କୁମାର ବରାଳ, ଡାଟା ଟେକ୍ ଅନୁଷ୍ଠାନର ଅଧ୍ୟକ୍ଷ ଗୌତମ ଉଦୟଭାନୁ ପ୍ରମୁଖ କାର୍ଯ୍ୟକ୍ରମର ନେତୃତ୍ୱ ନେଇଥିଲେ। ଅନୁରୂପ ଭାବେ ଓଟିଏମ୍ ଦୂର୍ଗା ବଜାର ଠାରେ ସହିଦ ଯବାନମାନଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରାଯାଇଛି । ପୌର ପାଳିକା ୮ନମ୍ବର ୱାର୍ଡ଼ର ଯୁବକ ମାନେ ଏକତ୍ରିତ ହୋଇ ‘ସହିଦ୍ ଯବାନ୍ ଅମର ରହେ’ ଧ୍ବନୀ ସହିତ ମହମ ବତି ଜଳାଇ ଶ୍ରଦ୍ଧା ସୁମନ ଅର୍ପଣ କରିଥିଲେ ।
Popular Categories
Previous article
Next article