ରେଙ୍ଗାଲିକ୍ୟାମ୍ପ: ଅତାବିରା ବ୍ଲକ ଗମ୍ଭାରୀପାଲି ଗ୍ରାମର ଆରପିଏଫ୍ ଯବାନ କୁମୁଦ ପ୍ରଧାନ(୪୫)ଙ୍କ ଗତ ବିଳମ୍ୱିତ ରାତିରେ ଏକ ସଡ଼କ ଦୁର୍ଘଟଣାରେ ମୃତ୍ୟୁ ହୋଇଯାଇଛି। ମୃତ କୁମୁଦ ପ୍ରଧାନ ବଲାଙ୍ଗୀରରେ ଆରପିଏଫରେ ଯବାନ ଭାବେ କାମ କରନ୍ତି। ସେ କିଛି କାମ ପାଇଁ ତାଙ୍କ ଘର ଗମ୍ଭାରୀପାଲିକୁ ଆସିଥିଲେ। କାମ ସାରି ସେ ତାଙ୍କ ବାଇକରେ ତାଙ୍କ କର୍ମକ୍ଷେତ୍ରକୁ ଫେରୁଥିଲେ। ଫେରିବା ବାଟରେ ୫୪ ନଂ ରାଜ୍ୟ ରାଜପଥ ଗୋଡ଼ଭଗା ତୁରୁମ୍ ରାସ୍ତା ନିକଟରେ ଏକ ଅଜଣା ଟ୍ରାକ୍ଟରରେ ଧକ୍କା ହେବା ଫଳରେ ଗୁରୁତର ଆହତ ହୋଇ ପଡ଼ିଯାଇଥିଲେ। ତାଙ୍କୁ ବରଗଡ଼ ବିକାଶ ହସ୍ପିଟାଲକୁ ନିଆଯାଇଥିଲା। କିନ୍ତୁ ସେତେ ବେଳକୁ ତାଙ୍କ ମୃତ୍ୟୁ ହୋଇଯାଇଥିଲା। ତାଙ୍କର ଏହି ବିୟୋଗରେ ଛୋଟ ଛୋଟ ଦୁଇ ପୁଅଙ୍କ ସମେତ ପତ୍ନୀ ଓ ପରିବାର ବର୍ଗରେ ତଥା ଅଞ୍ଚଳରେ ଶୋକର ଛାୟା ଖେଳିଯାଇଛି। ତାଙ୍କର ମର ଶରୀରକୁ ଗମ୍ଭାରୀ ପାଲିକୁ ଅଣାଯାଇ ସତ୍କାର କରାଯାଇଛି।
Comments are closed.