ନୂଆଦିଲ୍ଲୀ : ସ୍କୁଟର ପ୍ରେମୀ ମାନଙ୍କ ପାଇଁ ଏକ ଖୁସି ଖବର ଆସିଛି। ଦୁଇ ଚକା ବିଶିଷ୍ଟ ମଟୋରସାଇକେଲ ବିଷୟରେ ସମସ୍ତେ ଅବଗତ ଅଛନ୍ତି। କିନ୍ତୁ, ଆଜି ଚାରିଚକିଆ ସ୍କୁଟର ବଜାରକୁ ଆସିଛି। କ୍ୱାଡ୍ରା କୁଡର ନାମକ ଏହି ସ୍କୁଟର ଅନ୍ତର୍ଜାତୀୟ ବଜାର ପ୍ରବେଶ କରିଛି। ଏହା ଦେଖିବାକୁ ବହୁତ ଆକର୍ଷଣୀୟ ରହିଛି। ଏଥିରେ ବ୍ୟବହାର କରାଯାଇଥିବା ଜ୍ଞାନକୌଶଳକୁ ନେଇ ସମସ୍ତେ ଚକ୍କିତ ହୋଇଛନ୍ତି।
ସୁଇଜରଲ୍ୟାଣ୍ଡର ଏକ କମ୍ପାନୀ କ୍ୱାଡ୍ରା ଏହାର ନିର୍ମାଣ କରିଛନ୍ତି। ସ୍କୁଟରରେ ଥିବା କିଛି ଚକ ଉଚ୍ଚ ସ୍ଥାନରେ ଥିବା ସମୟରେ ଆଉ କିଛି ଚକ ତଳକୁ ରହିଛି। ସେଥିପାଇଁ ସ୍କୁଟରଟି ନିଜର ଭାରସାମ୍ୟ ରକ୍ଷା କରିପାରୁଛି। ଏହି ସ୍କୁଟରକୁ ଲୁସିଆ ମାରବର୍ସ ଦ୍ୱାରା ଡିଜାଇନ କରାଯାଇଛି। ଅତି ସହଜରେ ଲୋକମାନେ ଏହାକୁ ଚଳାଇପାରିବା ହିଁ ଏହି ସ୍କୁଟରର ବିଶେଷତା। ଏହି ସ୍କୁଟରରେ ୩୯୯ସିସି ଇଞ୍ଜିନ, ୪ ଷ୍ଟ୍ରୋକ ଇଞ୍ଜିନ, ସ୍ୱଂଚାଳିତ ସିବିଟି ଗିୟରବକ୍ସ ରହିଛି। କଳା, ଟାଇଟେନିୟମ ଗ୍ରେ, ସ୍ୱିସ୍ ଲାଲ ଆଦି ରଙ୍ଗରେ ଏହା ବଜାରରେ ଉପଲବ୍ଧ ରହିବ। ଏହାର ମୁଲ୍ୟ ୯.୨୫ ଲକ୍ଷ ଟଙ୍କା ରହିଛି। ଭାରତୀୟ ବଜାରରେ ଏହାର ପ୍ରବେଶକୁ ନେଇ ଏବେ ବି ଅନିଶ୍ଚିତତା ଲାଗିରହିଛି।
