ହାଇଦରାବାଦ: ଦେଶରେ କେନ୍ଦ୍ର ସରକାରଙ୍କ ଦ୍ୱାରା ପ୍ରଣୀତ କୃଷି ଆଇନକୁ ବିରୋଧ କରି କୃଷକମାନେ ଚଳାଇଥିବା ବିକ୍ଷୋଭ ସମାବେଶ ସମୟରେ ପ୍ରାୟ ୭୫୦ କୃଷକଙ୍କର ବିଭିନ୍ନ କାରଣରୁ ମୃତ୍ୟୁ ଘଟିଛି । ସେମାନଙ୍କର ପରିବାର ବର୍ଗଙ୍କୁ ୩ ଲକ୍ଷ ଟଙ୍କା ଲେଖାଏଁ ପ୍ରଦାନ କରିବାକୁ ତେଲେଙ୍ଗାନା ମୁଖ୍ୟମନ୍ତ୍ରୀ କେ ଚନ୍ଦ୍ରଶେଖର ରାଓ ଘୋଷଣା କରିଛନ୍ତି । ପ୍ରଧାନମନ୍ତ୍ରୀ କୃଷି ଆଇନକୁ ପ୍ରତ୍ୟାହାର କରିନେବାକୁ ଘୋଷଣା କରିବା ପରେ ଶ୍ରୀ ରାଓ ଶନିବାର ଏଭଳି ଘୋଷଣା କରିଛନ୍ତି । ଏଥିସହିତ କେନ୍ଦ୍ର ସରକାର ପ୍ରତି ମୃତ କୃଷକ ପରିବାରକୁ ୨୫ ଲକ୍ଷ ଟଙ୍କା ଲେଖାଏଁ ଦେବାକୁ ମଧ୍ୟ ସେ ଦାବି କରିଛନ୍ତି । ତେଲେଙ୍ଗନା ମୁଖ୍ୟମନ୍ତ୍ରୀ କହିଛନ୍ତି, ଏଥିପାଇଁ ରାଜ୍ୟ ସରକାରଙ୍କୁ ୨୨.୫ କୋଟି ଟଙ୍କା ଖର୍ଚ୍ଚ କରିବାକୁ ପଡିବ । କୃଷକ ସଂଗଠନଗୁଡିକ ମୃତ କୃଷକଙ୍କ ସମ୍ପର୍କରେ ବିସ୍ତୃତ ତଥ୍ୟ ପଠାଇବାକୁ ମଧ୍ୟ ସେ ଅନୁରୋଧ କରିଛନ୍ତି । ଏହି ଅବସରରେ ସେ କୃଷକଙ୍କ ବିରୁଦ୍ଧରେ ଦାଏର କରାଯାଇଥିବା ସମସ୍ତ ମାମଲା ପ୍ରତ୍ୟାହାର କରିନେବା ଏବଂ ସଂସଦର ଶୀତ ଅଧିବେଶନରେ ସର୍ବନିମ୍ନ ସହାୟକ ମୂଲ୍ୟ ଉପରେ ଆଇନ ପ୍ରଣୟନ କରିବାକୁ କେନ୍ଦ୍ର ନିକଟରେ ଦାବି କରିଛନ୍ତି ।
କୃଷକ ଆନ୍ଦୋଳନ ସମୟରେ ମୃତ ୭୫୦ କୃଷକ ପରିବାରଙ୍କୁ ତେଲେଙ୍ଗାନା ସରକାର ୩ ଲକ୍ଷ ଲେଖାଏଁ ଦେବେ
Popular Categories
Previous article
Next article