ପଶ୍ଚିମବଙ୍ଗ ପୁଲିସ ଓ ଏସଟିଏଫ ଦ୍ୱାରା ଅସ୍ତ୍ରଶସ୍ତ୍ର ଚୋରା ଚାଲାଣ ଦଳ ଠାବ; ୪୦ ପିସ୍ତଲ ଜବତ

କୋଲକାତା: ପଶ୍ଚିମବଙ୍ଗ ପୁଲିସ ଏବଂ ସ୍ୱତନ୍ତ୍ର କାର୍ଯ୍ୟାନ୍ୱୟନ ଦଳ (ଏସଟିଏଫ) ପକ୍ଷରୁ ମିଳିତ ଚଢଉ ସମୟରେ ଏକ ବଡଧରଣର ଅସ୍ତ୍ରଶସ୍ତ୍ର ଚୋରା ଚାଲାଣ ଗୋଷ୍ଠୀକୁ ଠାବ କରାଯାଇଛି । ପଡୋଶୀ ଝାଡଖଣ୍ଡର ଧାନବାଦରୁ ଏହି ଦଳ ଠାବ ହୋଇଛି । ଏଥିସହିତ ପୁଲିସ ୪୦ଟି ପିସ୍ତଲ ଜବତ କରିବା ସହିତ ଜଣେ ମହିଳାଙ୍କ ସମେତ ତିନିଜଣଙ୍କୁ ଏହି ଘଟଣାରେ ଗିରଫ କରିଛି । ଏକ ବିଶ୍ୱସ୍ତ ସୂତ୍ରରୁ ସୂଚନା ପାଇବା ପରେ ହୁଗଳିରେ ଏସଟିଏଫ ଏବଂ ଚନ୍ଦନନଗର ପୁଲିସ କମିଶନରେଟ ପକ୍ଷରୁ ମିଳିତ ଭାବରେ ଏହି ଚଢଉ କରାଯାଇଥିଲା । ଚଢଉ ସମୟରେ ଧାନବାଦରୁ କୋଲକାତା ଆସୁଥିବା ଏକ ବସରୁ ଦୁର୍ଗାପୁର ଏକ୍ସପ୍ରେସ ରାଜପଥରେ ଡାଙ୍କୁଣି ଟୋଲ ପ୍ଲାଜା ନିକଟରୁ ୪୦ ପିସ୍ତଲ ଜବତ କରାଯାଇଥିଲା । ଉକ୍ତ ଘଟଣାରେ ଏପର୍ଯ୍ୟନ୍ତ ତିନିଜଣଙ୍କୁ ଗିରଫ କରାଯାଇଛି । ଏଥିସହିତ ପୁଲିସ ବିପୁଳ ପରିମାଣର ବିସ୍ଫୋରକ ଜବତ କରିଛି । ଗିରଫ ଅଭିଯୁକ୍ତମାନେ ଇମତିଆଜ, ହାସନିା ବେଗମ ଏବଂ ସାଗିର ଅହମଦ ବୋଲି ଚିହ୍ନଟ କରାଯାଇଛି । ସେମାନଙ୍କୁ ସେରାମପୁରସ୍ଥିତ ଏସିଜେଏମ ଅଦାଲତରେ ହାଜର କରାଯିବା ପରେ ଅଦାଲତ ତାଙ୍କୁ ୧୦ ଦିନିଆ ପୁଲିସ ହେପାଜତରେ ପଠାଇ ଦେଇଛନ୍ତି । ସେମାନଙ୍କ ବିରୁଦ୍ଧରେ ଅସ୍ତ୍ରଶସ୍ତ୍ର ଚୋରା ଚାଲାଣ ଏବଂ ଆଇପିସିର ବିିଭିନ୍ନ ଧାରାରେ ମାମଲା ରୁଜ୍ଜୁ କରାଯାଇଛି ।