ଗଞ୍ଜାମ : ଗଞ୍ଜାମ ସହର ନିକଟସ୍ଥ ଐତିହାସିକ ପୋତାଗଡ଼ ଦୁର୍ଗ ନିକଟ ଋଷିକୂଲ୍ୟା ନଦୀରୁ ଉଦ୍ଧାର ହୋଇଥିବା ଚନ୍ଦ୍ର ଶେଖରଙ୍କ ଯୁଗଳ ମୂର୍ତ୍ତି ଓ ଭଗ୍ନ ନାଗ ମୁର୍ତ୍ତୀ ଗୁଡିକୁ ସହର ସ୍ଥିତ କାଶୀ ବିଶ୍ବନାଥ ମନ୍ଦିରରେ ପୂଜନ ନିମନ୍ତେ ପ୍ରଦାନ କରାଯାଇଥିବା ଜଣା ପଡ଼ିଛି । ସୂଚନା ଯୋଗ୍ୟ ଯେ, ଗତ କିଛି ଦିନ ତଳେ ପୋତାଗଡ଼ ନିକଟସ୍ଥ ଋଷିକୂଲ୍ୟା ନଦୀ କୂଳରୁ ଉଦ୍ଧାର କରାଯାଇଥିଲା। ପରେ ମୂର୍ତ୍ତି ଗୁଡିକୁ ଛତ୍ରପୁର ଉପଜିଲ୍ଲାପାଳ ପ୍ରିୟରଞ୍ଜନ ପୃଷ୍ଟି ଦେଖିବା ସହ କୌଣସି ବ୍ୟକ୍ତି ନଦୀରେ ଫିଙ୍ଗି ଦେଇଥିବା ସନ୍ଦେହ କରାଯାଇଥିଲା । ଏନେଇ ସ୍ଥାନୀୟ ଅଞ୍ଚଳବାସୀଙ୍କ ସହ ଆଲୋଚନା ପରେ କୌଣସି ଏକ ମନ୍ଦିରକୁ ପୂଜନ ନିମନ୍ତେ ଦେବା ପାଇଁ ଉପ ଜିଲ୍ଲାପାଳ ନିର୍ଦେଶ ଦେଇଥିଲେ। ଶେଷରେ ସ୍ଥାନୀୟ ଯୁବ ବିଜେଡି ନଗର ସଭାପତି ସୁଧିର କୁମାର ପାଢୀ, କାହ୍ନୁ ତରାଇ, ସୁରିୟା ପ୍ରଧାନ ପ୍ରମୁଖ କାଶି ବିଶ୍ୱନାଥ ମଦିର ପୂଜନ ପାଇଁ ପ୍ରଦାନ କରିଥିଲେ।
Popular Categories
Previous article
Next article