ଦକ୍ଷିଣ ଏସିଆରେ ପ୍ରଥମଥର ପାଇଁ ମେକ୍ ଇନ୍ ଇଣ୍ଡିଆ ଡ୍ରୋନ୍ ମାଧ୍ୟମରେ କୋଭିଡ୍ ପ୍ରତିଷେଧକ ବିତରଣ କରାଯାଉଥିବା କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରୀ ମନସୁଖ ମାଣ୍ଡଭ୍ୟ କହିଛନ୍ତି। ନୂଆଦିଲ୍ଲୀର ନିର୍ମାଣ ଭବନରୁ ଭର୍ଚୁଆଲ୍ ମାଧ୍ୟମରେ ସେ ମଣିପୁରର ବିଶନ୍ପୁର ଜିଲ୍ଲାରେ ଡ୍ରୋନ୍ ମାଧ୍ୟମରେ କୋଭିଡ୍ ଟିକା ବିତରଣ କାର୍ଯ୍ୟକ୍ରମର ଶୁଭାରମ୍ଭ କରିଥିଲେ। ମଣିପୁରର ଲୋକାଇପାଟ୍ରୁ କରଙ୍ଗଦୀପର ଦୂରତା ହେଉଛି ୨୫ କିଲୋମିଟର। ଏହି ସ୍ଥାନକୁ ଯିବା ପାଇଁ ସାଧାରଣତ ଏକ ଘଣ୍ଟା ସମୟ ଲାଗିଥାଏ। ତେବେ ଡ୍ରୋନ୍ ମାଧ୍ୟମରେ ଏଠାକୁ ଟିକା ପଠାଇବା ପାଇଁ ମାତ୍ର ୧୫ ମିନିଟ୍ ସମୟ ଲାଗିଥିଲା।
ଆଇ.ସି.ଏମ୍.ଆର୍. ଅଧିକାରୀ କହିଛନ୍ତି, ମଣିପୁରର ୪ଟି ଜିଲ୍ଲାର ଅପହଞ୍ଚ ସ୍ଥାନକୁ ଡ୍ରୋନ୍ ଯୋଗେ ଟିକା ପଠାଇବା ପାଇଁ ଉଦ୍ୟମ କରାଯାଉଛି ଏବଂ ଏହି ଆଇଡ୍ରୋନ୍ ପ୍ରକଳ୍ପ ସଫଳ ହୋଇଛି।
