ନୂଆଦିଲ୍ଲୀ : ଆଜି ଦେଶର ରାଷ୍ଟ୍ରପତି ରାମନାଥ କୋବିନ୍ଦଙ୍କ ୭୬ତମ ଜନ୍ମଦିନ। ଭାରତର ୧୪ ତମ ରାଷ୍ଟ୍ରପତି ରାମନାଥଙ୍କ ଜନ୍ମ ୧୯୪୫ରେ ଅକ୍ଟୋବର ୧ରେ ଉତ୍ତରପ୍ରଦେଶରେ ହୋଇଛି। ‘ର’ ରୁ ରାମନାଥ,‘ର’ ରୁ ରାଜ୍ୟସଭା ଯିବା, ‘ର’ ରୁ ରାଜ୍ୟପାଳଙ୍କ ପଦବୀ ସମ୍ଭାଳିବା ପରେ ‘ର’ ରୁ ରାଷ୍ଟ୍ରପତିଙ୍କ ରୂପରେ ‘ର’ ରୁ ରାୟସିନା ହିଲ୍ସ ସ୍ଥିତ ରାଷ୍ଟ୍ରପତିଙ୍କ ଭବନରେ ବାସ କରୁଛନ୍ତି। ଭାରତର ୧୪ ତମ ରାଷ୍ଟ୍ରପତି ଭାବେ ରାମନାଥ କୋବିନ୍ଦଙ୍କ ଜୀବନରେ ର ଅକ୍ଷରର ଅନେକ ମହତ୍ତ୍ୱ ରହିଛି। ଆଜି ତାଙ୍କ ଜନ୍ମ ଦିନ ଉପଲକ୍ଷେ ଅନେକ ବିଶିଷ୍ଟ ବ୍ୟକ୍ତି ତାଙ୍କୁ ଶୁଭେଚ୍ଛା ଓ ଶୁଭକାମନା ଜଣାଇଛନ୍ତି। ଜାଣନ୍ତୁ ରାଷ୍ଟ୍ରପତିଙ୍କ ର ସହ ସମ୍ବନ୍ଧ………
ରାଷ୍ଟ୍ରପତିଙ୍କ ଜୀବନରେ ‘ର’ ର ଖୁବ ମହତ୍ତ୍ୱ ରହିଛି। ତାଙ୍କ ନାମ ଠାରୁ ଆରମ୍ଭ କରି ତାଙ୍କ ଘର ରାୟସିନା ହିଲ୍ସ ସ୍ଥିତ ରାଷ୍ଟ୍ରପତି ଭବନ ଯାଏଁ ର ରହିଛି। ରାଷ୍ଟ୍ରପତିଙ୍କ ଜନ୍ମ ଅକ୍ଟୋବର ୧ରେ କାନପୁର ଦେହାତର ପରୌଖ ଗାଁରେ ହୋଇଥିଲା। ସ୍ଥାନ ଆଦିକୁ ଦେଖିଲେ ସମସ୍ତ ସ୍ଥାନରେ ଅକ୍ଷରରେ ର ରହିଛି।
ତାଙ୍କର ପ୍ରାରମ୍ଭିକ ଶିକ୍ଷା ପରୌଖ ଓ ଖାନପୁରରେ ସମାପ୍ତ କରିବା ପରେ ଉଚ୍ଚ ଶିକ୍ଷା ପାଇଁ କାନପୁର ଆସିଥିଲେ, ଏଥିରେ ମଧ୍ୟ ର ରହିଛି।
ରାଜନୀତିକୁ ଆସିବା ପରେ ରାମନାଥ କୋବିନ୍ଦ ଭାରତୀୟ ଜନତା ପାର୍ଟିକୁ ଚୟନ କରିଥିଲେ। ସେ ଘାଟମପୁର ଓ ଭୋଗନୀପୁର ବିଧାନସଭା ଆସନରୁ ନିର୍ବାଚନ ଲଢିଥିଲେ। ଏଥିରେ ର ଅକ୍ଷର ରହିଛି।
ରାଷ୍ଟ୍ରପତି ସମ୍ପୂର୍ଣ୍ଣ ଶାକାହାରୀ ଭୋଜନ ସେବନ କରିବା ପାଇଁ ପ୍ରସନ୍ଦ କରନ୍ତି। ବିନା ମସଲା ଓ କମ ତେଲରେ ପ୍ରସ୍ତୁତ ଖାଦ୍ୟ ରାଷ୍ଟ୍ରପତିଙ୍କ ପସନ୍ଦ। ଗ୍ରୀନ ଟି, ଦହି ( ଚିନି ବିନା), ପିଅନ୍ତି।
