ରେଙ୍ଗଲିକେମ୍ପ : ଅତାବିରା ଆରଏମସି ଅଧିନରେ କୃଷକ ବଜାର, ଗୋଦାମଗୃହ ଓ ମାର୍କେଟୟାର୍ଡ ନିର୍ମାଣ ପାଇଁ ହୋଇଥିବା ଟେଣ୍ଡର ପ୍ରକ୍ରିୟା ତରବରିଆ ଭାବେ ଚୂଡାନ୍ତ ହୋଇ ସାରିଥିବା ବେଲେ ଟେଣ୍ଡର ପ୍ରକ୍ରିୟାରେ ଅନିମିତତା, ପାତରଅନ୍ତର ଓ ଅହେତୁକ ଅନୁକମ୍ପା ପ୍ରଦର୍ଶନ କରାଯାଇଛି ବୋଲି ଅଭିଯୋଗ ହୋଇଛି। । ଏ ବିଷୟରେ ଅନେକ ଗଣମାଧ୍ୟମରେ ପ୍ରକାଶିତ ହୋଇଥିଲେ ମଧ୍ୟ ବିଭାଗୀୟ ଅଧିକାରୀଗଣ ନିର୍ଦ୍ଧିଷ୍ଟ ବ୍ୟକ୍ତି ଓ ଠିକାଦାରଙ୍କ ସୁହାଇଲା ଭଳି ଅନିୟମିତତା ଓ ଅହେତୁକ ଅନୁକମ୍ପା ପ୍ରଦର୍ଶନ କରି ଅଛନ୍ତି, ଯାହାକି ତଦନ୍ତ ସାପେକ୍ଷ। ତେବେ ବରପାଲି, ବରଗଡ, ଅତାବିରା ଆରଏମସି ଅଧିନରେ ୧୪ କୋଟି ଟଙ୍କାର ଟେଣ୍ଡର ବିଜ୍ଞପ୍ତି ହୋଇ ଆବଶ୍ୟକ କାଗଜପତ୍ର ଦାଖଲ କରିବାକୁ ନିର୍ଦ୍ଦେଶ ଦିଆଯାଇଥିଲା। ତେବେ ଜନୈକ ଠିକାଦାରଙ୍କ ବାର୍ଷିକ ଟର୍ଣ୍ଣଓଭର ନଥିବା ଓ ୧୪ କୋଟି ଟଙ୍କାର ଟେଣ୍ଡର ପ୍ରକ୍ରିୟାରେ ଆବଶ୍ୟକ ୩୦% ବିଡ୍ କେପାସିଟି ଅନୁସାରେ ୪ କୋଟି ୨୦ ଲକ୍ଷରୁ ଉର୍ଦ୍ଧ୍ବ ହେବାକଥା। ହେଲେ ଟେଣ୍ଡର ପାଇଥିବା ଠିକାଦାର ମାତ୍ର ୧ କୋଟି ୭୪ ଲକ୍ଷ ୫ ହଜାର ୫ ଶହ ଟଙ୍କା ବିଡ୍ କେପାସିଟି ପ୍ରଦର୍ଶନ କରିଛନ୍ତି, ଯାହାକି ଆଇନ ଅନୁସାରେ ସମ୍ପୂର୍ଣ୍ଣ ଅଯୋଗ୍ୟ ଅଟେ। ତା’ସତ୍ତ୍ବେ ବିଭାଗୀୟ ଅଧିକାରୀଙ୍କ ଅନୁକମ୍ପାରେ ସେ ଟେଣ୍ଡର ହାତେଇଥିବା ବୋଲି କୁହାଯାଉଛି। ତେଣୁ ଉକ୍ତ ଟେଣ୍ଡର ପ୍ରକ୍ରିୟାରେ ତଦନ୍ତ କରାଯାଇ ଯୋଗ୍ୟ ଠିକାଦାରଙ୍କୁ ନିୟମ ଅନୁସାରେ ପ୍ରଦାନ ପାଇଁ ଇଂ. ସନ୍ତୋଷ କୁମାର ମିଶ୍ର ବିଭାଗୀୟ ଅଧିକାରୀ ଙ୍କ ନିକଟରେ ଦାବୀ ଜଣାଇଛନ୍ତି ।
Comments are closed.