୨୦୨୨-୨୩ ରବି ଋତୁରେ ଫସଲର ସର୍ବନିମ୍ନ ସହାୟକ ମୂଲ୍ୟ ବୃଦ୍ଧିକୁ ଅର୍ଥନୈତିକ ବ୍ୟାପାର ସଂକ୍ରାନ୍ତ କ୍ୟାବିନେଟ୍ କମିଟି ଅନୁମୋଦନ କରିଛି। ମସୁର ଡାଲି, ରାଇ ସୋରିଷ ଓ ସୋରିଷର କୁଇଣ୍ଟାଲ୍ ପ୍ରତି ସର୍ବନିମ୍ନ ସହାୟକ ମୂଲ୍ୟରେ ୪୦୦ ଟଙ୍କା ଲେଖାଏଁ ବୃଦ୍ଧି କରାଯାଇଛି। ବୁଟର କୁଇଣ୍ଟାଲ୍ ପ୍ରତି ସର୍ବନିମ୍ନ ସହାୟକ ମୂଲ୍ୟରେ ୧୩୦ ଟଙ୍କା ଲେଖାଏଁ ବୃଦ୍ଧି କରାଯାଇଥିବା
ବେଳେ ସାଫ୍ରୋନ୍ର କୁଇଣ୍ଟାଲ୍ ପ୍ରତି ସର୍ବନିମ୍ନ ସହାୟକ ମୂଲ୍ୟ ୧୧୪ ଟଙ୍କା ବୃଦ୍ଧି କରାଯାଇଛି। ଗହମର କୁଇଣ୍ଟାଲ୍ ପ୍ରତି ସର୍ବନିମ୍ନ ସହାୟକ ମୂଲ୍ୟ ୪୦ ଟଙ୍କା ବୃଦ୍ଧି କରାଯାଇ ୨ ହଜାର ୧୫ ଟଙ୍କା ରଖାଯାଇଥିବା ବେଳେ ବାର୍ଲିର ସର୍ବନିମ୍ନ ସହାୟକ ମୂଲ୍ୟ ୩୫ ଟଙ୍କା ବୃଦ୍ଧି କରାଯାଇ କୁଇଣ୍ଟାଲ୍ ପ୍ରତି ୧୬୩୫ ଟଙ୍କା ରଖାଯାଇଛି।
ଏହି ନିଷ୍ପତ୍ତିରୁ ଏହିସବୁ ଫସଲର ଚାଷୀମାନଙ୍କୁ ଅଧିକ ମୂଲ୍ୟ ମିଳିପାରିବ। ୨୦୧୮-୧୯ ବଜେଟ୍ର ଘୋଷଣା ଅନୁସାରେ ସେହିସବୁ କୃଷିଜାତ ପଦାର୍ଥର ସର୍ବନିମ୍ନ ସହାୟକ ମୂଲ୍ୟ ଅତିକମରେ ଦେଢ଼ଗୁଣା ବୃଦ୍ଧି କରାଯାଇଛି।
