ନିଜ ଘରର ସୁରକ୍ଷା ତଥା ପରିଷ୍କାର ପରିଚ୍ଛନ୍ନତା ନିମନ୍ତେ ଚୀନ୍ ଲୋକେ ଆଜିକାଲି ଖୁବ୍ ସଂଖ୍ୟାରେ ବୁଢ଼ିଆଣୀ କିଣୁଥିବାର ଦେଖାଯାଉଛି। ମିଳିଥିବା ଖବର ଅନୁସାରେ, ବେଜିଂର ଅଧିକାଂଶ ଲୋକେ ଆଜିକାଲି ସ୍ଥାନୀୟ ବଜାର ହେଉ କିମ୍ବା ମଲ୍ରେ ଉପଲବ୍ଧ ହେଉଥିବା ଏକ ନିର୍ଦିଷ୍ଟ ବୁଢ଼ିଆଣୀ କିଣି ଘରେ ରଖୁଛନ୍ତି। ଶୁଣିବାକୁ ଅଜବ ଲାଗୁଥିଲେ ମଧ୍ୟ ଘଟଣାଟି ସତ। ହଣ୍ଟସମେନ୍ ପ୍ରଜାତିର ଏଇ ବୁଢ଼ିଆଣୀ ଲୋକେ କିଣିବା ପଛର କାରଣ ହେଉଛି ଘରୁ ଅସରପାଙ୍କୁ ଦୂରେଇବା। ଗତ କିଛି ମାସ ମଧ୍ୟରେ ସେଠାରେ ଅସରପାଙ୍କ କାରଣରୁ ସଂକ୍ରମଣ ରୋଗ ଖୁବ୍ ବ୍ୟାପୁଛି। ଏଥିରୁ ରକ୍ଷା ପାଇବାକୁ ଲୋକେ ଏଇ ବୁଢ଼ିଆଣୀକୁ ଘରେ ରଖୁଛନ୍ତି। ଘରର ବିଭିନ୍ନ ପ୍ରାନ୍ତରେ ଏଇ ବୁଢ଼ିଆଣୀଙ୍କୁ ଛଡ଼ାଯାଉଛି। ଏମାନେ ବିଷାକ୍ତ ନୁହନ୍ତି ବୋଲି ଜଣାପଡ଼ିଛି। ଜୁନ୍ ପହିଲାରୁ ସ୍ଥାନୀୟ ବଜାରରେ ଏଇ ବୁଢ଼ିଆଣୀ ବିକ୍ରି ଆରମ୍ଭ ହୋଇଛି। ଆରମ୍ଭଦିନରେ ଏମାନଙ୍କ ମୂଲ୍ୟ ଗୋଟା ପିଛା ୧୦୧ ଟଙ୍କା ଧାର୍ଯ୍ୟ ହୋଇଥିବାବେଳେ ଏବେ ମୂଲ୍ୟ ବଢ଼ି ଗୋଟା ପିଛା ୩୧୮ଟଙ୍କାରେ ପହଞ୍ଚିଲାଣି। ଚୀନ୍ ଲୋକେ ଏଇ ବୁଢ଼ିଆଣୀର କାମରେ ଏତେ ଖୁସି ଯେ ସେମାନେ ଏହାର ମୂଲ୍ୟ ବୃଦ୍ଧିକୁ ନେଇ ଆଦୌ ବ୍ୟତିବ୍ୟସ୍ତ ନୁହନ୍ତି।
Popular Categories
Previous article
Next article