ତେଲକୋଇ : ତେଲକୋଇ ଥାନା ଅନ୍ତର୍ଗତ କରଦାଙ୍ଗୀ ପଞ୍ଚାୟତ କ୍ଷେତ୍ରାମୁଣ୍ଡା ସାହିରେ ନାଳରେ ବୁଡି ଶନିବାର ଜଣଙ୍କର ମୃତ୍ୟୁ ଘଟିଛି। ମୃତକ ଜଣକ ସେହି ଗ୍ରାମର ଜେମାଦାର ମହାକୁଡ (୫୦) ବୋଲି ଜଣା ପଡିଛି। ସୂଚନା ଅନୁଯାୟୀ ଜେମାଦାର ଆମ୍ବତଇଲା ସାହିକୁ ଆଧାରକାର୍ଡ ନକଲ କରିବାକୁ ଯାଇଥିଲେ। ସେଠାରୁ ଫେରି କରୋନା ଟିକା ନେବାକୁ କରଦାଙ୍ଗି ପଞ୍ଚାୟତ ସରେଇ ଗ୍ରାମକୁ ଯିବାର ଯୋଜନା ରହିଥିଲା। ତେବେ ନକଲ ବାହାର କରି ଫେରୁଥିବା ସମୟ ରେ ପୁରୁଣାପାଣି ନାଳରେ ସେ ଭାସିଯାଇଥିଲେ। ପଛରେ କିଛି ସାହି ଲୋକଙ୍କ ସହିତ ଚାଲି ଚାଲି ଆସୁଥିବା ସ୍ତ୍ରୀ ପାନ ମହାକୁଡ ସ୍ବାମୀଙ୍କୁ ରକ୍ଷା କରିବାକୁ ଚେଷ୍ଟା କରିଥିଲେ ହେଁ ବିଫଳ ହୋଇଥିଲେ। ଖବର ପାଇ ଦମକଳ ବାହିନୀ ଘଟଣାସ୍ଥଳ ରେ ପହଞ୍ଚି ଜେମାଦାରଙ୍କୁ ଉଦ୍ଧାର କରି ତେଲକୋଇ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ। ଡାକ୍ତର ତାଙ୍କୁ ସେଠାରେ ମୃତ ଘୋଷଣା କରିଛନ୍ତି।
Comments are closed.