ପାଟଣା : ପାଟଣା ଅବକାରୀ ବିଭାଗ ପକ୍ଷରୁ ଜିଲ୍ଲା ଅବକାରୀ ଅଧିକ୍ଷକ ସୀତାକାନ୍ତ ମୁଦୁଲିଙ୍କ ନିର୍ଦ୍ଦେଶ କ୍ରମେ ପାଟଣା ଅବକାରୀ ଥାନା ଅଞ୍ଚଳର ବିଭିନ୍ନ ସ୍ଥାନରେ ଚଢ଼ାଉ କରାଯାଇ ୬୦ ଲିଟର ଚୋରା ମହୁଲି ମଦ ଜବତ କରାଯିବା ସହ ୩ ଜଣ ଙ୍କୁ ଗିରଫ କରିଛି ଅବକାରୀ ବିଭାଗ । ପୂର୍ବାହ୍ନରେ ପାଟଣା ଅବକାରୀ ଥାନା ଅଧିକାରୀ ଦିଲ୍ଲିପ କୁମାର ତାଣ୍ଡିଙ୍କ ନେତୃତ୍ୱରେ ଚଢ଼ାଉ ସମୟରେ ସରାସକୋଲା ଗ୍ରାମର ପେଟୁ ମୁଣ୍ଡାଙ୍କ ଠାରୁ ୧୦ ଲିଟର ମହୁଲି ମଦ , କିଆପଡା ଗ୍ରାମର ଜାମଲା ଅର୍ଜୁନ ଦାସଙ୍କ ଠାରୁ ୩୦ ଲିଟର ଓ ଡେଣୁଆ ଗ୍ରାମର ଗହମୀ ବେହେରାଙ୍କ ଠାରୁ ୨୦ ଲିଟର ମହୁଲି ମଦ ଜବତ କରାଯାଇଛି । ଏହି ସମସ୍ତ ତିନି ଜଣଙ୍କୁ ଅପରାହ୍ନରେ ବେଆଇନ ମଦ କାରବାର ଅଭିଯୋଗରେ କୋର୍ଟ ଚାଲାଣ କରିଛି ଅବକାରୀ ବିଭାଗ ।
Comments are closed.