ନଟିଂହାମ୍ : ପ୍ରଥମଦିନରେ ଚମତ୍କାର ପ୍ରଦର୍ଶନ ସହ ଘରୋଇ ଇଂଲଣ୍ଡ ବିପକ୍ଷରେ ଭାରତ ୫ ମ୍ୟାଚ୍ର ଟେଷ୍ଟ ସିରିଜ୍ ଆରମ୍ଭ କରିଛି । ବୁଧବାରଠାରୁ ଆରମ୍ଭ ହୋଇଥିବା ପ୍ରଥମ ଟେଷ୍ଟ ମ୍ୟାଚ୍ରେ ଭାରତୀୟ ବୋଲର ଘାତକ ବୋଲିଂ କରିଛନ୍ତି । ଯଶପ୍ରୀତ ବୁମ୍ରା ୪ଟି ଓ ମହମ୍ମଦ ସାମି ୩ଟି ୱିକେଟ ନେବାରୁ ପ୍ରଥମ ଦିନରେ ଇଂଲଣ୍ଡ ପ୍ରଥମ ଇନିଂସରେ ୧୮୩ ରନ୍ କରି ଅଲ୍ଆଉଟ ହୋଇଯାଇଛି। ଜୋ ରୁଟ୍ଙ୍କୁ ଛାଡ଼ି ଜଣେ ମଧ୍ୟ ଇଂଲଣ୍ଡ ବ୍ୟାଟ୍ସ ମ୍ୟାନ୍ ଅର୍ଦ୍ଧଶତକ ହାସଲ କରି ପାରିନାହାନ୍ତି । ପରେ ଭାରତ ତା’ର ପ୍ରଥମ ଇନିଂସ ଆରମ୍ଭ କରି କୌଣସି ୱିକେଟ ନ ହରାଇ ୨୧ ରନ୍ କରିଛି । ରୋହିତ ଶର୍ମା ଓ କେ.ଏଲ୍. ରାହୁଲ ୯ ରନ୍ ଲେଖାଏଁ କରି ଅପରାଜିତ ଅଛନ୍ତି । ଏବେ ଭାରତ ପ୍ରଥମ ଇନିଂସରେ ୧୬୨ ରନ୍ ପଛରେ ରହିଛି ।
ଟସ୍ ଜିତି ଇଂଲଣ୍ଡ ବ୍ୟାଟିଂର ନିଷ୍ପତ୍ତି ନେଇଥିଲା । ରୋରି ବର୍ନସ ବିନା ସ୍କୋର୍ରେ ପ୍ରଥମ ଓଭରରେ ଆଉଟ ହୋଇଥିଲେ। ୨ୟ ୱିକେଟ ପାଇଁ ଡମ୍ ସିବ୍ଲି ଓ ଜ୍ୟାକ୍ କ୍ରଲି ୪୨ ରନ୍ ଯୋଡ଼ିଥିଲେ। କ୍ରଲି ୪ଟି ଚୌକା ସହ ୨୭ ରନ୍ କରିଥିଲେ । ପରେ ସିବ୍ଲି ୧୮ ରନ୍ କରି ବିଦାୟ ନେଇଥିଲେ । ୬୬ ରନ୍ରେ ୩ଟି ୱିକେଟ ପଡ଼ିଯିବା ପରେ ଅଧିନାୟକ ଜୋ ରୁଟ୍ ଓ ଜନି ବେୟାରଷ୍ଟୋ ୪ର୍ଥ ୱିକେଟ ପାଇଁ ୭୨ ରନ୍ ଯୋଡ଼ିଥିଲେ। ବେୟାରଷ୍ଟୋ ଆଉଟ୍ ହେବା ସହ ଇଂଲଣ୍ଡ ୪୫ ରନ୍ରେ ଶେଷ ୭ଟି ୱିକେଟ ହରାଇ ୧୮୩ ରନ୍ରେ ଅଲ୍ଆଉଟ ହୋଇ ଯାଇଥିଲା । ବେୟାରଷ୍ଟୋ ୪ଟି ଚୌକା ସହ ୨୯ ରନ୍ କରିଥିଲେ । ଡ୍ୟାନ୍ ଲରେନ୍ସ, ଜୋସ୍ ବଟ୍ଲର ଏବଂ ଓଲି ରବିନ୍ସନ ବିନା ସ୍କୋର୍ରେ ଆଉଟ ହୋଇଥିଲେ । ଜୋ ରୁଟ୍ ଦର୍ଶନୀୟ ବ୍ୟାଟିଂକରି ୧୧ଟି ଚୌକା ସହ ୬୪ ରନ୍ କରିଥିଲେ । ଶେଷଆଡ଼କୁ ସାହସିକ ପ୍ରଦର୍ଶନ କରି ଗୋଟିଏ ଛକା ଓ ୪ଟି ଚୌକା ସହ ୨୭ ରନ୍କରି ଅପରାଜିତ ଥିଲେ । ଯଶପ୍ରୀତ ବୁମ୍ରା ୪ଟି, ମହମ୍ମଦ ସାମି ୩ଟି ଓ ସାର୍ଦ୍ଦୁଳ ଠାକୁର ୨ଟି ୱିକେଟ ନେଇଥିଲେ।
ଇଂଲଣ୍ଡ ୧୮୩ରେ ଅଲ୍ଆଉଟ
Popular Categories
Previous article
Next article