ହରଭଙ୍ଗା : ହରଭଙ୍ଗା ବ୍ଲକରେ ନେହେରୁଯୁବ କେନ୍ଦ୍ର ବୌଦ୍ଧ ତରଫରୁ ବ୍ଲକ ର ବିଭିନ୍ନ ସ୍ଥାନରେ ସ୍ୱଚ୍ଛତା ପଖୱାଡ଼ା କାର୍ୟ୍ୟକ୍ରମ ଅନୁଷ୍ଠିତ ହୋଇଯାଇଛି। ପ୍ରଥମ ଦିବସରେ ନେହେରୁ ଯୁବ କେନ୍ଦ୍ର ବୌଦ୍ଧ ଓ ମା ଇଚ୍ଛା ବାସନ୍ତୀ ଯୁବ ପରିଷଦ ବୁକେସିଙ୍ଗା ମିଳିତ ଆନୁକୂଲ୍ୟରେ ବୃକ୍ଷ ରୋପଣ, ଗ୍ରାମ ସଫେଇ କାର୍ୟ୍ୟକ୍ରମ , ମ୍ୟାଲେରିଆ ଓ ଡେଙ୍ଗୁ ସଚେତନତା ରାଲି କାର୍ୟ୍ୟକ୍ରମ ଅନୁଷ୍ଠିତ ହୋଇଯାଇଛି। ଉକ୍ତ କାର୍ୟ୍ୟକ୍ରମରେ ମୁଖ୍ୟ ଅତିଥି ଭାବେ ବୁକେସିଙ୍ଗା ଅଙ୍ଗନୱାଡ଼ି କର୍ମୀ କାଞ୍ଚନ ବେହେରା , ସମ୍ମାନିତ ଅତିଥି ଭାବେ ଆଶା କର୍ମୀ ସାନ୍ତ୍ୱନା ମଲ୍ଲିକ ଯୋଗ ଦେଇ ଯୁବକ ମାନଙ୍କର ଏ ମହନୀୟ କାର୍ୟ୍ୟ ଗୁଡିକୁ ପ୍ରଶଂସନୀୟ ବୋଲି କହିଥିଲେ । ବୁକେସିଙ୍ଗା ସମେତ ବାଲିପଟା, ବିଞ୍ଜିଗଡ଼ ଓ ଅନ୍ୟାନ୍ୟ ନିକଟସ୍ଥ ଗ୍ରାମ ଗୁଡିକରେ ସଫେଇ ସହ ଡେଙ୍ଗୁ ମ୍ୟାଲେରିଆ ସଚେତନତା ରାଲି କାର୍ୟ୍ୟକ୍ରମ କରାଯାଇଥିଲା ଓ ଉକ୍ତ କାର୍ୟ୍ୟକ୍ରମରେ ସମୁଦାୟ ୩୦୦ ଚାରା ରୋପଣ କରାଯାଇଥିଲା । କାର୍ୟ୍ୟକ୍ରମକୁ ନେହେରୁ ଯୁବ କେନ୍ଦ୍ର ବୌଦ୍ଧ ର ଜାତୀୟ ଯୁବ ସ୍ବେଛାସେବୀ ସୁଧିର ଦୀପ ପରିଚାଳନା କରିଥିଲେ । କାର୍ୟ୍ୟକ୍ରମକୁ କ୍ଲବ ସଭାପତି ରାଜେଶ ଦେହୁରୀ , ସମ୍ପାଦକ ସୌମ୍ୟରଂଜନ ଦେହୁରୀ , ସଭ୍ୟ ଅବିନାଶ ଦାସ ଓ ସମସ୍ତ ସଦସ୍ୟ ସହଯୋଗ କରିବା ସହ କାର୍ୟ୍ୟକ୍ରମରେ ୪୦ ଜଣ ସ୍ବେଚ୍ଛାସେବୀ ଅଂଶଗ୍ରହଣ କରିଥିଲେ । ଏହି ସ୍ୱଚ୍ଛତା ପଖୱାଡ଼ା କାର୍ୟ୍ୟକ୍ରମ ଆଗାମୀ ୧୫ ତାରିଖ ପର୍ୟ୍ୟନ୍ତ ଚାଲିବ ବୋଲି ଜାତୀୟ ଯୁବ ସ୍ବେଚ୍ଛାସେବୀ ସୁଧିର ଦୀପ ସୁଚନା ଦେଇଛନ୍ତି ।
Popular Categories
Previous article
Next article