ଗୋପାଳପୁର: ବ୍ରହ୍ମପୁର ଉପଜିଲ୍ଲାପାଳ ତଥା ଏନ୍ଏସି ପ୍ରଶାସକ ଭି. କୀର୍ତ୍ତି ଭାସନ ଗୋପାଳପୁରରେ ପହଞ୍ଚି ମେ ଫେର ନିକଟରେ ଥିବା ଝୂପୁଡ଼ି ବସ୍ତି ବାସିନ୍ଦାଙ୍କ ଥଇଥାନ ନିମନ୍ତେ ଚିହ୍ନଟ ହୋଇଥିବା ସ୍ଥାନ ପରିଦର୍ଶନ କରିଥିଲେ। ତୁରନ୍ତ ଚିହ୍ନଟ ସ୍ଥାନରେ ଗୃହ ନିର୍ମାଣ କାର୍ୟ୍ୟ ଆରମ୍ଭ କରାଯାଇ ଚିହ୍ନଟ ବସ୍ତି ବାସିନ୍ଦାଙ୍କୁ ଥଇଥାନ କରିବା ପାଇଁ କାର୍ୟ୍ୟ ନିର୍ବାହୀ ଅଧିକାରୀ ପ୍ରାଣନାଥ ଶେଠଙ୍କ ସହ ଆଲୋଚନା କରିଥିଲେ। ଏନେଇ ଉପଜିଲ୍ଲାପାଳଙ୍କ ସହ ଯୋଗାଯୋଗ ବେଳେ ସେ କହିଥିଲେ ଯେ ଉଚ୍ଛେଦ ଝୁମ୍ପୁଡି ବାସିନ୍ଦାଙ୍କ ପାଇଁ ଆଦର୍ଶ କଲୋନୀ ପ୍ରସ୍ତୁତି କରାଯିବ। ସେଠାରେ ବସ୍ତି ବାସିନ୍ଦାଙ୍କ ନିମନ୍ତେ ପାନୀୟ ଜଳର ବ୍ୟବସ୍ଥା, ଶିଶୁ ପାର୍କ, ବିଦ୍ୟୁତ୍ କରଣ, ରାସ୍ତା, ଡ୍ରେନ ବ୍ୟବସ୍ଥା, ବୈଠକ ଗୃହ ସମେତ ୫୦ଟି ଗୃହ ନିର୍ମାଣ କରାଯିବ ବୋଲି କହିଛନ୍ତି। ତଦାରଖ ବେଳେ କାର୍ୟ୍ୟ ନିର୍ବାହୀ ଅଧିକାରୀଙ୍କ ସମେତ କର୍ମଚାରୀ ଉପସ୍ଥିତ ଥିଲେ।
Comments are closed.