ଆଠଗଡ: ଆଠଗଡ ଯୁବ କଂଗ୍ରେସ ପକ୍ଷରୁ ଗତ ୨୧ତାରିଖରେ ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀଙ୍କ ତିରୋଧାନ ଦିବସ ଅବସରରେ କରୋନା ମହାମାରୀରୁ ଲୋକଙ୍କୁ ସୁରକ୍ଷା ଦେବା ପାଇଁ ସହରାଞ୍ଚଳ ଓ ଗ୍ରାମାଞ୍ଚଳରେ ୧୨ଦିନ ବ୍ୟାପୀ ବିଶୋଧନ କରାଯିବା ସହ ଜନସଚେତନତା ସୃଷ୍ଟି ଲାଗି ନିଷ୍ପତ୍ତି ଗ୍ରହଣ କରାଯାଇଥିଲା। ପ୍ରଦେଶ ଯୁବ କଂଗ୍ରେସ ସଭାପତି ଡଃ ସ୍ମୃତିରଞ୍ଜନ ଲେଙ୍କାଙ୍କ ପରାମର୍ଶକ୍ରମେ ଆଠଗଡ ଯୁବ କଂଗ୍ରେସ ସଭାପତି ବିକ୍ରମ ରାୟସାମନ୍ତଙ୍କର ନେତୃତ୍ୱର ଏହି ଅଭିଯାନ ଜାରି ରହିଛି। ଶୁ୍କ୍ରବାର ଏନଏସିର ୬ଟି ଓତ୍ୱାର୍ଡ ବିଶୋଧନ କରାଯିବା ସହ ଲୋକମାନଙ୍କୁ କରୋନା ମହାମାରୀ ସଂପର୍କରେ ସଚେତନ କରାଯାଇଥିଲା। ଏହି କ୍ରମରେ ଶନିବାର ଓ ରବିବାର ଆଠଗଡ ସହରର ୱାର୍ଡ ନଂ ୧, ୪, ୫, ୬, ୯, ୧୪ ଓ ୧୬ ପ୍ରଭୃତି ୭ଟି ୱାର୍ଡରେ ବ୍ୟାପକ ବିଶୋଧନ କରାଯିବା ସହ ଲୋକଙ୍କ ଘରକୁ ଘର ଯାଇ କରୋନା ରୋଗ ସଂପର୍କରେ ସଚେତନ କରାଯାଇଥିଲା।
ଏହା ସହିତ ସହରର ସମସ୍ତ ସରକାରୀ କାର୍ଯ୍ୟାଳୟ ଓ ବ୍ୟାଙ୍କ ପରିସରକୁ ମଧ୍ୟ ବିିଶୋଧନ କରାଯାଇଥିଲା। ଏହି କାର୍ଯ୍ୟକ୍ରମରେ ଜିଲ୍ଲା ଯୁବ କଂଗ୍ରେସ ଉପସଭାପତି ମନୋରଞ୍ଜନ ପଟ୍ଟନାୟକ, ସଂପାଦକ ପ୍ରଶାନ୍ତ ବେହେରା, ଶ୍ରୀତମ ଦାସ, ସମ୍ବିତ ପଟ୍ଟନାୟକ, ରଣଜିତ୍ ସେଠୀ, ରାଜୁ ନାୟକ, ଅବିନାଶ ପ୍ରଧାନ, ଦେବବ୍ରତ ଦାସ, ଚନ୍ଦନ ଦଳାଇ, ବିଶାଲ ପରିଡା, ଗୁରୁବାରୀ ନାଥ ଓ ମୁତେଷ ଯାଦବ ପ୍ରମୁଖ ସହଯୋଗ କରିଥିଲେ।
