ନୂଆଦିଲ୍ଲୀ: କରୋନା ମହାମାରୀ ଭାରତରେ ଗୋଟିଏ ଦିନରେ ୫୦ ଜଣ ଡାକ୍ତରଙ୍କ ଜୀବନ ନେଇଛି। ଏହାର ଦ୍ୱିତୀୟ ଲହର ବ୍ୟାପିବା ଦିନଠାରୁ ଇତିମଧ୍ୟରେ ଦେଶରେ ୨୪୪ ଜଣ ଡାକ୍ତରଙ୍କର ଏଥିରେ ମୃତ୍ୟୁ ଘଟିସାରିଲାଣି। ଗତବର୍ଷ ପ୍ରଥମ ପର୍ଯ୍ୟାୟ ସଂକ୍ରମଣରେ ମୋଟ ୭୩୬ ଜଣ ଡାକ୍ତରଙ୍କର ମୃତ୍ୟୁ ଘଟିଥିଲା। ଫଳରେ କୋଭିଡ-୧୯ ଦେଶର ପ୍ରାୟ ଏକ ହଜାର ଡାକ୍ତରଙ୍କ ମୃତ୍ୟୁର କାରଣ ହୋଇସାରିଛି। କୋଭିଡରେ ପ୍ରାଣ ହରାଇଥିବା ଡାକ୍ତରଙ୍କ ମଧ୍ୟରେ ରହିଛନ୍ତି ସର୍ବକନିଷ୍ଠ ଜଣେ ରେସିଡେଣ୍ଟ ଡାକ୍ତର ଆନାସ ମୁଜାହିଦ୍। ସେ ଦିଲ୍ଲୀର ଗୁରୁ ତେଗ୍ ବାହାଦୁର ହସପିଟାଲରେ କାର୍ଯ୍ୟରତ ଥିଲେ। ଏହା କୋଭିଡ ଆକ୍ରାନ୍ତଙ୍କ ପାଇଁ ଉଦ୍ଦିଷ୍ଟ ସ୍ୱତନ୍ତ୍ର ଡାକ୍ତରଖାନା। କୋଭିଡର ଦ୍ୱିତୀୟ ଲହରରେ ୨୬ ବର୍ଷ ବୟସ୍କ ମୁଜାହିଦ୍ ରୋଗୀଙ୍କ ସେବା କରି ନିଜେ କରୋନାରେ ପ୍ରାଣ ହରାଇଛନ୍ତି। ଗତ ରବିବାର କେବଳ ଗୋଟିଏ ଦିନରେ ଦେଶର ବିିଭିନ୍ନ ଭାଗରେ ୫୦ ଜଣ ଡାକ୍ତରଙ୍କର କୋଭିଡରେ ମୃତ୍ୟୁ ଘଟିଥିବା ଭାରତୀୟ ଚିକିତ୍ସକ ସଂଘ ପକ୍ଷରୁ କୁହାଯାଇଛି। ତେବେ ଏହି ସଂଖ୍ୟା ଆହୁରି ଅଧିକ ହେବ ବୋଲି ସଂଘ କହିଛି। ଏକ ବିବୃତିରେ କୁହାଯାଇଛି, ସଂଘର ସଦସ୍ୟ ଥିବା ପ୍ରାୟ ୩.୫ ଲକ୍ଷ ଡାକ୍ତରଙ୍କ ଖବର ଏହା ନିକଟରେ ଥିବାବେଳେ ଦେଶରେ ୧୨ ଲକ୍ଷରୁ ଅଧିକ ଡାକ୍ତର ରହିଛନ୍ତି।
ଦେଶରେ ଗୋଟିଏ ଦିନରେ କରୋନା ନେଲା ୫୦ ଡାକ୍ତରଙ୍କ ଜୀବନ
Popular Categories
Previous article
Next article