ପୁରୀ : ରାଜ୍ୟରେ ଦ୍ରୁତ ଗତିରେ କରୋନା ସଂକ୍ରମଣ ବୃଦ୍ଧି ପାଇବାରେ ଲାଗିଛି। ଦୈନିକ ହଜାର ହଜାର ଆକ୍ରାନ୍ତ ଚିହ୍ନଟ ହେଉଥିବା ବେଳେ ସରକାରଙ୍କ ତରଫରୁ ସଂକ୍ରମଣ ରୋକିବାକୁ ବିଭିନ୍ନ କଟକଣା ଜାରି କରାଯାଉଛି। ସଂକ୍ରମଣକୁ ଦୃଷ୍ଟିରେ ରଖି ଆସନ୍ତା ମେ ୧୫ ଯାଏଁ ଶ୍ରୀମନ୍ଦିରରେ ସର୍ବସାଧାରଣଙ୍କ ପାଇଁ ଶ୍ରୀଜିଉଙ୍କ ଦର୍ଶନ ବନ୍ଦ ରଖାଯାଇଛି। ମାତ୍ର ସମସ୍ତ ନୀତିକାନ୍ତି ଚାଲୁ ରହିବ। ଏନେଇ ଆଜି ଛତିଶା ନିଯୋଗ ବୈଠକରେ ଆଲୋଚନା ହେବାପରେ ମନ୍ଦିର ପ୍ରଶାସନ ପକ୍ଷରୁ ନିଷ୍ପତ୍ତି ଗ୍ରହଣ କରାଯାଇଛି। ଆଗାମୀ ୬ ତାରିଖରେ ପୁଣି ଥରେ ବୈଠକ ବସିବ। ଏହାସହ ଏବେ ଠାରୁ ସମସ୍ତ ସେବକଙ୍କୁ କରୋନା ଟିକା ଦିଆଯିବ। ଅକ୍ଷୟ ତୃତୀୟା ଠାରୁ ରଥ ନିର୍ମାଣ ଆରମ୍ଭ ହେବା ସହ ଆରମ୍ଭ ହେବ ଚନ୍ଦନ ଯାତ୍ରା। ପରିସ୍ଥିତିକୁ ଦୃଷ୍ଟିରେ ରଖି ଏଭଳି ନିଷ୍ପତ୍ତି ନିଆଯିବା ସହ ଆଗକୁ ଆବଶ୍ୟକୀୟ ନିଷ୍ପତ୍ତି ନିଆଯିବ। କିଛିଦିନ ମଧ୍ୟରେ ୬୦ ସେବକ,କର୍ମଚାରୀ ଓ ତାଙ୍କ ପରିବାର ସଂକ୍ରମିତ ହୋଇଛନ୍ତି।
ସଂକ୍ରମଣ ବୃଦ୍ଧିରୁ ରାଜ୍ୟରେ ଦୀର୍ଘ ସପ୍ତାହେ ହେବ ନାଇଟ କର୍ଫ୍ୟୁ ଜାରି କରାଯାଇଥିବା ବେଳେ ଗତକାଲି ଠାରୁ ସପ୍ତାହନ୍ତ ସଟଡାଉନ ନିୟମ ଲାଗୁ କରାଯାଇଛି।
Comments are closed.