ରେଙ୍ଗାଲି : କତରବଗା ଥାନାର ଲଇଡା ଫାଣ୍ଡି ଅନ୍ତର୍ଗତ ଗଣ୍ଡାକୋନା ଗ୍ରାମ ନିକଟରେ ଥିବା ଜଙ୍ଗଲର ଏକ ଗଛ ଡାଳରେ ଆଜି ସକାଳୁ ଜନୈକ ଅଚିହ୍ନା ଯୁବକର ମୃତଦେହ ଝୁଲନ୍ତା ଅବସ୍ଥାରେ ଜବତ ହୋଇଛି। ସ୍ଥାନୀୟଲୋକ ଦେଖି ଫାଣ୍ଡିକୁ ସୂଚନା ଦେବାରେ ଘଟଣାସ୍ଥଳରେ ପୁଲିସ ପହଞ୍ଚି ମୃତଦେହକୁ ଜବତ କରିଛି। ପ୍ରାୟ ୨୨ ରୁ ୨୫ବର୍ଷ ବୟସ୍କ ଅଚିହ୍ନା ଯୁବକ ଜଣକ ବେକ ରେ ଲୁଙ୍ଗି ଦେଇ ଆତ୍ମହତ୍ୟା କରିଥିବା ପାରିପାର୍ଶ୍ୱିକ ସ୍ଥିତିରୁ ଜଣାପଡୁଛି। ଫାଣ୍ଡି ଅଧିକାରୀ ରବିନ୍ଦ୍ର ପ୍ରଧାନ ଘଟଣାସ୍ଥଳକୁ ପହଞ୍ଚି ଶବକୁ ଜବତ କରି ପଞ୍ଚନାମା କଲା ପରେ ବ୍ୟବଚ୍ଛେଦ ପାଇଁ ପଠାଇ ଘଟଣାର ତଦନ୍ତ ଜାରି ରଖିଛନ୍ତି। ଗ୍ରାମବାସୀଙ୍କ କହିବା ଅନୁଯାୟୀ ମୃତ ଯୁବକ ମାନସିକ ବିକୃତି ଥିଲେ। ଗତ କିଛି ଦିନ ହେଲା ଗଣ୍ଡାକୋନା ଏବଂ ଆଖପାଖ ଗାଁରେ ବୁଲାବୁଲି କରୁଥିଲା। ମୃତକର ପରିଚୟ ଜଣା ପଡିନାହିଁ। ଏସଂକ୍ରାନ୍ତରେ କେସ୍ ନଂ ୩/୨୦୨୧ ରେ ଏକ ଅପମୃତ୍ୟୁ ମାମଲା ରଜ୍ଜୁ କରାଯାଇଛି। ଅଜ୍ଞାତ ଯୁବକର ମୃତଦେହ ଚିହ୍ନଟ ପାଇଁ କୁଚିଣ୍ଡା ଉପଖଣ୍ଡୀୟ ଡାକ୍ତରଖାନାର ପ୍ରିଜର୍ ରେ ୭୨ ଘଣ୍ଟା ପାଇଁ ରଖାଯାଇଛି ବୋଲି ଫାଣ୍ଡି ଅଧିକାରୀ ଶ୍ରୀ ପ୍ରଧାନ ସୂଚନା ଦେଇଛନ୍ତି।
Popular Categories
Previous article
Next article