ସାଧାରଣତଃ ଥାଇଲ୍ୟାଣ୍ଡରେ ଖାଦ୍ୟପେୟରେ ଭିନ୍ନତା ଦେଖାଯାଇଥାଏ। ଏଠାରେ ଖାଦ୍ୟ ସେବନ କରିବା ପାଇଁ ବହୁ ପର୍ଯ୍ୟଟକଙ୍କ ଭିଡ ଜମିଥାଏ। ମାତ୍ର ଥାଇଲ୍ୟାଣ୍ଡରେ ଏପରି ଏକ ସହର ରହିଛି, ଯେଉଁଠାରେ ଖାଦ୍ୟପେୟରେ ସ୍ୱତନ୍ତ୍ରତା ପରିଲକ୍ଷିତ ହୋଇଥାଏ। ତ୍ରାଙ୍ଗ ନାମକ ଏହି ସହରରେ ସାଧାରଣତଃ ଜଳଖିଆ ସେବନ କରିବା ପାଇଁ ଲୋକେ ସୂର୍ଯ୍ୟ ଉଦୟ ପୂର୍ବରୁ ପ୍ରସ୍ତୁତ ହୋଇ ଯାଆନ୍ତି।
ତ୍ରାଙ୍ଗର ଲୋକେ ଖାଦ୍ୟ ପ୍ରତି ଖୁବ ଆଗ୍ରହୀ ଓ ଖାଦ୍ୟପ୍ରେମୀ। ଥାଇଲ୍ୟାଣ୍ଡରେ ଲୋକେ ୩ରୁ ୪ଥର ଖାଇବାକୁ ପସନ୍ଦ କରୁଥିବା ବେଳେ ତ୍ରାଙ୍ଗର ବାସିନ୍ଦା ୮ରୁ ୯ ଥର ଖାଦ୍ୟ ଖାଇବା ମଧ୍ୟ ସାମାନ୍ୟ ଭାବିଥାଆନ୍ତି।
ଏହି ସହରରେ ରେସ୍ତୋରାଁରେ ଏଭଳି କିଛି ଖାଦ୍ୟ ପ୍ରସ୍ତୁତ କରାଯାଇଥାଏ , ଯାହା ଖୁବ ଲୋକପ୍ରିୟ। ଲୋକଙ୍କର ଖାଦ୍ୟର ପସନ୍ଦକୁ ନଜରରେ ରଖି ରେସ୍ତୋରାଁରେ ବିଭିନ୍ନ ପ୍ରକାର କର୍ମଚାରୀଙ୍କୁ ନିଯୁକ୍ତି ଦିଆଯାଇଥାଏ।
ଏଠାକାର ରେସ୍ତୋରାଁର ମାଲିକଙ୍କ ଠାରୁ ମିଳିଥିବା ସୂଚନା ଅନୁଯାୟୀ, ତ୍ରାଙ୍ଗର ରେସ୍ତୋରାଁରେ କର୍ମଚାରୀମାନେ ୨୪ ଘଣ୍ଟା କାର୍ଯ୍ୟ କରିଥାଆନ୍ତି। ରେସ୍ତୋରାଁର ନିକଟରେ ରହୁଥିବା ଲୋକେ ପ୍ରାୟ ରାତି ୨ଟାରୁ ଉଠିବା ସହ ସୂର୍ଯ୍ୟ ଉଦୟ ପୂର୍ବରୁ ୨ ଥର ଖାଦ୍ୟ ଖାଇସାରି ଥାଆନ୍ତି।
