ମୁମ୍ବଇ: ଭାରତୀୟ ଷ୍ଟେଟ୍ ବ୍ୟାଙ୍କ (ଏସବିଆଇ)ର ଗ୍ରାହକମାନଙ୍କ ପାଇଁ ଖୁସି ଖବର । ବ୍ୟାଙ୍କ ପକ୍ଷରୁ ସଞ୍ଚୟ ଖାତାରେ ସର୍ବନିମ୍ନ ଜମା ନ ରଖିଲେ ଯେଉଁ ଜରିମାନା ଦେବାକୁ ପଡୁଥିଲା, ତାହାକୁ ହ୍ରାସ କରିବାକୁ କର୍ତ୍ତୃପକ୍ଷ ନିଷ୍ପତ୍ତି ନେଇଛନ୍ତି।
ଏସବିଆଇ ପକ୍ଷରୁ କୁହାଯାଇଛି ଯେ, ସର୍ବନିମ୍ନ ଜମା ନ ରଖିଲେ ମହାନଗରୀ ଓ ସହରାଞ୍ଚଳର ଖାତାଧାରୀ ମାନଙ୍କ ଠାରୁ ପୂର୍ବରୁ ଯେଉଁ ୫୦ ଟଙ୍କା ସହିତ ଜିଏସଟି ଆଦାୟ କରାଯାଉଥିଲା, ଏପ୍ରିଲ ପହିଲାରୁ ତାହାକୁ ହ୍ରାସ କରାଯାଇ ୧୫ଟଙ୍କା ସହିତ ଜିଏସଟି ଆଦାୟ କରାଯିବ । ସେହିପରି ଅର୍ଦ୍ଧ ସହରାଞ୍ଚଳରେ ୪୦ ଟଙ୍କା ବଦଳରେ ୧୨ଟଙ୍କା ଓ ଗ୍ରାମାଞ୍ଚଳରେ ୧୦ ଟଙ୍କା ସହିତ ଜିଏସଟି ଆଦାୟ କରଯିବ ବୋଲି ବ୍ୟାଙ୍କ ପକ୍ଷରୁ କୁହାଯାଇଛି। ଏସବିଆଇର ୨୫ କୋଟି ଖାତାଧାରୀ ଏହା ଦ୍ୱାରା ଉପକୃତ ହୋଇ ପାରିବେ।
ଏହି ନୂଆ ନିୟମ ଅପ୍ରେଲ ପହିଲାରୁ ଲାଗୁ ହେବ ବୋଲି ଏସବିଆଇ ପକ୍ଷରୁ କୁହାଯାଇଛି।
ତେବେ ପ୍ରଧାନମନ୍ତ୍ରୀ ଜନ-ଧନ ଯୋଜନା, ପେନ୍ସନ ଖାତା, ନାବାଳକଙ୍କ ଖାତା ଓ ସାମାଜିକ କଲ୍ୟାଣ ଯୋଜନାର ହିତାଧିକାରୀମାନଙ୍କୁ ଏହି ସର୍ବନିମ୍ନ ଜମା ରଖିବା ଯୋଜନାରୁ ବାଦ ଦିଆଯାଇଛି । ସେହିପରି ୨୧ ବର୍ଷ ବୟସ ପର୍ଯ୍ୟନ୍ତ ଛାତ୍ରଛାତ୍ରୀଙ୍କ ସଞ୍ଚୟ ଖାତାକୁ ମଧ୍ୟ ଏହି ଯୋଜନାରୁ ବାଦ ଦିଆଯାଇଛି ବୋଲି ଷ୍ଟେଟବ୍ୟାଙ୍କ ଅଫ ଇଣ୍ଡିଆ ପକ୍ଷରୁ କୁହାଯାଇଛି ।
